ఏజెంట్ ట్రైలర్ కు క్రేజీ రెస్పాన్, హాలీవుడ్ విజువల్స్ అంటూ ప్రశంసలు
అక్కినేని అఖిల్ హీరోగా రూపొందిన ఏజెంట్ సినిమా నుండి నిన్న సాయంత్రం ట్రైలర్ ని రిలీజ్ చేసారు. ట్రైలర్ రిలీజ్ కోసం కాకినాడలో పెద్ద ఈవెంట్ ని నిర్వహించారు మేకర్స్. అనుకున్న సమయాని కంటే కాస్త ఆలస్యంగా రిలీజైన ట్రైలర్, ఎవ్వరూ అనుకోని విధంగా అమోఘమైన వ్యూస్ తెచ్చుకుంది. ప్రస్తుతానికి ఏజెంట్ ట్రైలర్ కు 5మిలియన్ల వూస్ వచ్చాయి. అఖిల్ కెరీర్ లో ఇదే అత్యధికం అని కామెంట్లు వస్తున్నాయి. ఏజెంట్ ట్రైలర్ లో యాక్షన్ సీక్వెన్సెస్ ఎక్కువగా కనిపించాయి. ఫైట్లు, బాంబులు, తుపాకులు, బుల్లెట్ల వర్షంతో ఏజెంట్ ట్రైలర్ నిండిపోయింది. ట్రైలర్ లో కనిపించిన విజువల్స్ హాలీవుడ్ సినిమా రేంజ్ ని తలపిస్తున్నాయని అంటున్నారు.
ట్రైలర్ లో కనిపించని లవ్ యాంగిల్
ఏజెంట్ కోసం అఖిల్ మారిన తీరు ట్రైలర్ లో స్పష్టంగా కనిపించేసింది. స్పై థ్రిల్లర్ గా రూపొందిన ఈ మూవీలో యాక్షన్ జోనర్లను ఇష్టపడే అన్ని హంగులు ఉన్నాయని ట్రైలర్ లో తెలిసిపోయింది. ట్రైలర్ లో లవ్ యాంగిల్ ఎక్కువగా కనిపించలేదు. కాకపోతే ఇప్పటివరకు రిలీజైన పాటలు మాత్రం, సినిమాలో మంచి లవ్ స్టోరీ ఉన్నాయని చెబుతున్నాయి. మరి ఈ విషయంలో క్లారిటీ రావాలంటే రిలీజ్ అయ్యేదాకా ఆగాల్సిందే. సురేందర్ రెడ్డి దర్శకత్వం వహించిన ఈ సినిమాలో మళయాళీ నటుడు మమ్ముట్టి కనిపిస్తున్నారు. బాలీవుడ్ కు చెందిన డీనో మోరియో విలన్ గా దర్శనమిస్తున్నాడు. సాక్షి వైద్య హీరోయిన్ గా కనిపిస్తున్న ఈ చిత్రం ఏప్రిల్ 28వ తేదీన ప్రేక్షకుల ముందుకు రాబోతుంది.
ఈ టైమ్ లైన్ ని షేర్ చేయండి