Akkineni Family : అఖిల్ రిసెప్షన్ .. ఒకే ఫ్రేమ్ లో అక్కినేని కుటుంబం!
ఈ వార్తాకథనం ఏంటి
అక్కినేని అఖిల్ వివాహం జూన్ 6న ప్రియురాలు జైనబ్ రవ్జీతో జరిగింది. ఈ వేడుకలో కుటుంబ సభ్యులు, అత్యంత సన్నిహితులే పాల్గొన్నారు.
కానీ జూన్ 8న జరిగిన రిసెప్షన్ వేడుక మాత్రం గ్రాండ్‌గా నిర్వహించారు. ఈ రిసెప్షన్‌కు సినీ, రాజకీయ, వ్యాపార రంగాలకు చెందిన పలువురు ప్రముఖులు హాజరయ్యారు.
ఈ నేపథ్యంలో అఖిల్-జైనబ్ రిసెప్షన్ ఫొటోలు సోషల్ మీడియాలో విపరీతంగా వైరల్ అవుతున్నాయి. ఈ కార్యక్రమానికి అక్కినేని ఫ్యామిలీ మొత్తం హాజరైంది.
అంతేకాదు వారంతా కలిసి ఒక గ్రూప్ ఫోటో దిగారు. ఆ గ్రూప్ ఫోటో ప్రస్తుతం నెట్టింట ట్రెండ్ అవుతోంది.
అక్కినేని అభిమానులు, కుటుంబానికి సమీపంగా ఉన్నవారు ఈ ఫోటోను షేర్ చేస్తూ తన అభిమానం వ్యక్తం చేస్తున్నారు.
Details
వైరల్ అవుతున్న ఫోటోలు
వైరల్ అవుతోన్న ఫోటోలో నాగార్జున, అమల, అఖిల్, జైనబ్, నాగచైతన్య, శోభిత ధూళిపాలతో పాటు నాగార్జున అన్నయ్య అక్కినేని వెంకట్, ఆయన భార్య, పిల్లలు, అలాగే నాగార్జున చెల్లి నాగ సుశీల, ఆమె కుమారుడు హీరో సుశాంత్, నాగార్జున బావ సురేంద్ర యార్లగడ్డ, ఆయన కుమారుడు హీరో సుమంత్, కుమార్తె సుప్రియ యార్లగడ్డ తదితరులు కనిపిస్తున్నారు.
ఈ ఫోటోలో అక్కినేని ఫ్యామిలీకి చెందిన పలువురు కజిన్స్ కూడా ఉండటంతో అభిమానులు ఆనందం వ్యక్తం చేస్తున్నారు.
అక్కినేని కుటుంబ సభ్యులందరిని ఒకే ఫ్రేమ్‌లో చూసే అవకాశం అరుదైనదిగా భావిస్తూ, అభిమానులు ఎంతో ఉత్సాహంగా ఈ ఫోటోను పంచుకుంటున్నారు.