Andhra King Taluka : 'ఆంధ్ర కింగ్‌ తాలూకా' టైటిల్‌ ప్రోమో రిలీజ్.. రామ్‌ స్టైల్‌, ఎనర్జీకి ఫ్యాన్స్‌ ఫిదా!
ఈ వార్తాకథనం ఏంటి
టాలీవుడ్‌ ఎనర్జిటిక్‌ స్టార్‌ రామ్‌ పోతినేని హీరోగా నటిస్తున్న తాజా యాక్షన్‌ ఎంటర్‌టైనర్‌ 'ఆంధ్ర కింగ్‌ తాలూకా' చిత్రం చుట్టూ ఆసక్తికర చర్చ కొనసాగుతోంది. ఈ సినిమాలో భాగ్యశ్రీ బోర్సే హీరోయిన్‌గా నటిస్తుండగా, కన్నడ స్టార్‌ ఉపేంద్ర కీలక పాత్రలో కనిపించనున్నారు. ఈ కాంబినేషన్‌పై ఇప్పటికే ప్రేక్షకుల్లో భారీ అంచనాలు నెలకొన్నాయి. ఈ చిత్రాన్ని ప్రతిష్టాత్మక బ్యానర్‌ మైత్రీ మూవీ మేకర్స్ నిర్మిస్తుండగా, 'మిస్ శెట్టి మిస్టర్ పోలిశెట్టి' ఫేమ్‌ దర్శకుడు పి. మహేశ్‌ బాబు దర్శకత్వం వహిస్తున్నారు. భారీ బడ్జెట్‌తో, హైటెక్‌ యాక్షన్‌ సీక్వెన్స్‌లతో తెరకెక్కుతున్న ఈ మూవీని నవంబర్‌ 28న గ్రాండ్‌గా థియేటర్లలో రిలీజ్ చేయనున్నారు.
Details
బుధవారం పూర్తి పాట రిలీజ్
ఇక తాజాగా మూవీ టీమ్‌ టైటిల్‌ ప్రోమోను విడుదల చేస్తూ సినిమా మీద అంచనాలను మరింత పెంచింది. రామ్‌ ఎనర్జీ, స్టైల్‌, డైలాగ్‌ డెలివరీ ఈ ప్రోమోలో అదిరిపోయేలా ఉండటంతో అభిమానులు సోషల్‌ మీడియాలో సంబరాలు చేస్తున్నారు. ఇదే క్రమంలో చిత్రబృందం మరో సర్ప్రైజ్‌ను కూడా ఇచ్చింది. సినిమా నుంచి 'ఫస్ట్‌ డే ఫస్ట్‌ షో' సాంగ్‌ ప్రోమోను విడుదల చేస్తూ, పూర్తి పాటను ఈ బుధవారం రిలీజ్ చేయనున్నట్లు ప్రకటించింది. ఇండస్ట్రీ టాక్‌ ప్రకారం, రామ్‌ ఈ సినిమాలో ఫుల్‌ మాస్‌ అవతారంలో కనిపించబోతున్నాడట.