2014ఎన్నికల ప్రచారం కేసులో మెగాస్టార్ చిరంజీవికి ఊరట
ఈ వార్తాకథనం ఏంటి
మెగాస్టార్ చిరంజీవికి గుంటూరు హైకోర్టులో ఊరట లభించింది. 9ఏళ్ల క్రితం నాటి కేసులో ఆయనకు ఉపశమనం లభించింది.
2014ఎన్నికల సమయంలో కాంగ్రెస్ పార్టీ తరపున ప్రచారం చేసారు చిరంజీవి. ఆ సమయంలో ఎన్నిక ల నియమావళి అతిక్రమించినందుకు గాను చిరంజీవిపై కేసు నమోదైంది.
రాత్రి 10గంటలు దాటిన తర్వాత ఎన్నికల ప్రచారం నిర్వహించకూడదనే నియమం ఉన్నప్పటికీ, చిరంజీవి ప్రచారం చేసారనీ, దానివల్ల ట్రాఫిక్ కి అంతరాయం కలిగిందనీ గుంటూరు జిల్లా అరండల్ పేట పోలీసులు కేసు నమోదు చేసారు.
అప్పటి నుండి గుంటూరు రైల్వే కోర్టులో విచారణ కొనసాగుతూనే ఉంది.
Details
హైకోర్టును ఆశ్రయించిన చిరంజీవి
అయితే రైల్వే కోర్టులో కొనసాగుతున్న విచారణను నిలిపివేయాలని మెగాస్టార్ చిరంజీవి హైకోర్టును ఆశ్రయించారు. జులై 25వ తేదీన హైకోర్టు ఎదుటకు ఈ కేసు విచారణకు వచ్చింది. ఈ క్రమంలో చిరంజీవి తరపు న్యాయవాది తమ వాదనలు వినిపించారు.
అనంతరం ఈ కేసును కొట్టివేస్తూ హైకోర్టు తీర్పునిచ్చింది. 9ఏళ్ల నాటి కేసులో చిరంజీవికి ఊరట లభించింది.
2008లో ప్రజారాజ్యం పార్టీని స్థాపించిన చిరంజీవి, 2009లో కాంగ్రెస్ లో తన పార్టీని విలీనం చేసారు. ఆ తర్వాత కాంగ్రెస్ నుండి రాజ్యసభ సభ్యుడిగా ఎన్నికయ్యారు.
కేంద్రమంత్రిగా కూడా చిరంజీవి పనిచేసారు. 2014 నుండి రాజకీయాలకు దూరంగా ఉంటూ వస్తున్నారు.