డీజే టిల్లు సీక్వెల్ తర్వాత తెలుగులో మరో సినిమాను ఒప్పుకున్న అనుపమ పరమేశ్వరన్
ఈ వార్తాకథనం ఏంటి
ప్రేమమ్ సినిమాతో తెలుగులోకి ఎంట్రీ ఇచ్చిన మలయాళీ భామ అనుపమ పరమేశ్వరన్, వరుసగా సినిమాలు చేస్తూ బిజీగా ఉంటోంది.
ఇప్పటివరకు అనుపమకు తెలుగులో భారీ సక్సెస్ రాలేదు. ఓ మోస్తారు విజయాలను అందుకుంటూనే అవకాశాలను అందిపుచ్చుకుంటుంది.
ప్రస్తుతం అనుపమ, డీజే టిల్లు సినిమాకు సీక్వెల్ గా వస్తున్న టిల్లు స్క్వేర్ సినిమాలో నటిస్తోంది. తాజాగా ఈ సినిమా నుండి ఒక పోస్టర్ రిలీజ్ అయింది. ఆ పోస్టర్లో అనుపమను చూసిన వారందరూ షాక్ అయ్యారు.
ఇప్పటివరకు తాను చేసిన సినిమాల్లో అనుపమ చాలా అందంగా, ఆకర్షణీయంగా, హోమ్లీగా కనిపించింది. టిల్లు స్క్వేర్ రిలీజ్ డేట్ పోస్టర్లో మాత్రం కుర్రకారును కిర్రెక్కించేలా ఘాటుగా ఉంది.
Details
సినిమా బండి దర్శకుడితో సినిమా
టిల్లు స్క్వేర్ సినిమాతో అనుపమ పరమేశ్వరన్ రూటు మార్చిందని అందరూ చెప్పుకుంటున్నారు. మరి నిజంగానే రూటు మార్చిందా లేదా అన్న విషయాలు తెలియాలంటే టిల్లు స్క్వేర్ సినిమా నుండి మరిన్ని అప్డేట్స్ వస్తే గాని చెప్పలేం.
అదలా ఉంచితే, తాజాగా అనుపమ పరమేశ్వరన్ మరో కొత్త సినిమాను ఒప్పుకుంది. ప్రవీణ్ కాండ్రేగుల దర్శకత్వంలో సినిమా చేయబోతోంది.
గతంలో ప్రవీణ్ కాండ్రేగుల, సినిమా బండి అనే సినిమాను తెరకెక్కించాడు. డైరెక్ట్ గా ఓటీటీలో విడుదలైన ఈ సినిమాకు మంచి రెస్పాన్స్ వచ్చింది.
సినిమా బండి తర్వాత అనుపమ పరమేశ్వరన్ హీరోయిన్ గా తన నెక్స్ట్ సినిమాను మొదలుపెట్టబోతున్నట్లు ప్రవీణ్ ప్రకటించాడు. ఈ సినిమాలో హీరో ఎవరనేది వెల్లడి చేయలేదు.
ట్విట్టర్ పోస్ట్ చేయండి
సినిమా బండి దర్శకుడితో అనుపమ కొత్త సినిమా
My next film ❤️after #cinemabandi @anupamahere @VijayDonkada pic.twitter.com/rhCbmRPJvD
— Praveen kandregula (@praveen5D) June 7, 2023