బేబి ప్రీ రిలీజ్ ఈవెంట్: కన్నీళ్ళు కార్చిన హీరోయిన్ వైష్ణవి చైతన్య
ఈ వార్తాకథనం ఏంటి
ఇంతకుముందు సినిమాల్లో అవకాశాల కోసం నిర్మాతల ఆఫీసుల చుట్టూ తిరగాల్సి వచ్చేది. ఇప్పుడు అలా కాదు, యూట్యూబ్, ఇన్స్ టా ఇలా సోషల్ మీడియా ద్వారా అవకాశాల్ని తెచ్చుకుంటున్నారు.
అలా తెచ్చుకున్న వారిలో హీరోయిన్ వైష్ణవి చైతన్య ఒకరు. ఆనంద్ దేవరకొండ హీరోగా నటిస్తున్న బేబి సినిమాలో వైష్ణవి చైతన్య హీరోయిన్ గా నటిస్తోంది.
బేబీ సినిమా, జులై 14న విడుదలకు సిద్ధమవుతున్న నేపథ్యంలో నిన్న సాయంత్రం ప్రీ రిలీజ్ ఈవెంట్ ఘనంగా జరిగింది.
ఈ ఈవెంట్లో మాట్లాడిన వైష్ణవి, ఎమోషనల్ అయిపోయి కంటనీరు పెట్టుకుంది. తాను అవకాశాల కోసం తిరుగుతున్న సమయంలో నువ్వు హీరోయిన్ అవుతావా, నీవల్ల కాదు అంటూ నెగెటివ్ కామెంట్స్ చేసారట.
Details
దర్శకుడు ఇచ్చిన ధైర్యమే నడిపించింది
అంతేకాదు, నువ్వు క్యారెక్టర్ ఆర్టిస్టుగా నిలబడటమే ఎక్కువ, హీరోయిన్ గా అస్సలు ఛాన్సే లేదు అంటూ ఆమెను అవహేళన చేసారట. ఒకదశలో వాళ్ళ మాటలు నిజమేనేమోనని అనుకున్నానని చెప్పుకొచ్చింది.
దర్శకుడు సాయి రాజేష్ ఇచ్చిన ధైర్యం వల్లే తాను హీరోయిన్ అయినట్లు, తనకు హీరోయిన్ గా అవకాశం ఇచ్చిన రాజేష్ కు థ్యాంక్స్ చెప్పింది. రాజేష్ వల్లే కొత్త ప్రపంచాన్ని చూసానని మాట్లాడింది.
మాస్ మూవీ మేకర్స్ బ్యానర్ పై రూపొందిన బేబీ సినిమాను ఎస్కేఎన్ నిర్మించగా, సాయి రాజేష్ డైరెక్ట్ చేసారు. విజయ్ బుల్గనిన్ మ్యూజిక్ అందించిన ఈ సినిమా, జులై 14న థియేటర్లలో రిలీజ్ అవుతుంది.