అఖండ 2 స్టోరీ లైన్ లీక్: రాజకీయ అంశాలకు, తిరుపతి దేవాలయానికి లింక్?
ఈ వార్తాకథనం ఏంటి
నందమూరి బాలకృష్ణ, బోయపాటి శ్రీను ల కాంబినేషన్లో ఇప్పటివరకు మూడు సినిమాల వచ్చాయి. సింహా, లెజెండ్, అఖండ.. ఈ మూడు చిత్రాలు బాక్సాఫీస్ దగ్గర మంచి విజయాన్ని అందుకున్నాయి. ఇంకా చెప్పాలంటే అపజయాలతో సతమతమవుతున్న బాలకృష్ణ కెరీర్ కు ఈ మూడు చిత్రాలు మంచి ఊపును తీసుకువచ్చాయి. ఈ మూడు చిత్రాల్లో అఖండ చిత్రం చాలా ప్రత్యేకమైని చెప్పాలి. ఆ సినిమాలో బాలకృష్ణ నటనకు ప్రేక్షకులు ఫిదా అయిపోయారు. కరోనా కారణంగా థియేటర్లకు ప్రేక్షకులు వెళ్లలేకపోతున్న టైంలో వచ్చిన అఖండ చిత్రం, భారీ విజయాన్ని సొంతం చేసుకుంది. అయితే అప్పటినుండి అఖండ చిత్రానికి సీక్వెల్ ఉంటుందని మాటలు చాలా జోరుగా వినిపిస్తున్నాయి.
Details
రాజకీయ అంశాలతో పాటు దేవుడి టచ్
అఖండ సినిమా సీక్వెల్ పై తాజాగా ఓ సమాచారం బయటకు వచ్చింది. అఖండ సీక్వెల్ స్టోరీ ఇదేనంటూ వార్తలు వస్తున్నాయి. వాటి ప్రకారం, అఖండ 2 చిత్రం, రాజకీయ అంశాలు ప్రధానంగా చేసుకొని తెరకెక్కనుందని సమాచారం. సినిమాకు పొలిటికల్ టచ్ ఉండడంతో పాటు అఖండ చిత్రం మాదిరిగా దేవుడి టచ్ కూడా ఉండనుందని వినిపిస్తోంది. తిరుమల తిరుపతి దేవస్థాన ప్రతిష్టను తగ్గించడానికి ప్రయత్నించే విలన్ పై యుద్ధాన్ని అఖండ 2 చిత్రంలో చూపించబోతున్నారని టాక్ నడుస్తోంది. అదలా ఉంచితే, ప్రస్తుతం అనిల్ రావిపూడి దర్శకత్వంలో సినిమా చేస్తున్నాడు బాలకృష్ణ. తన కెరీర్లో 108వ సినిమాగా తెరకెక్కుతున్న ఈ చిత్రంలో కాజల్ అగర్వాల్ హీరోయిన్ గా కనిపిస్తోంది. హీరోయిన్ శ్రీలీల ప్రత్యేక పాత్రలో కనిపించనుంది.