బాలీవుడ్ పై కాజల్ అగర్వాల్ బోల్డ్ కామెంట్స్, ఆ విషయంలో సౌత్ చాలా బెస్ట్ అంటూ వ్యాఖ్యలు
ఈ వార్తాకథనం ఏంటి
కాజల్ అగర్వాల్ బాలీవుడ్ సినిమాపై బోల్డ్ కామెంట్ చేసింది. దక్షిణాది సినిమా ఇండస్ట్రీలో కనిపించే నైతిక విలువలు, క్రమశిక్షణ, వాతావరణం, హిందీ సినిమాలో లేవని నిర్మొహమాటంగా చెప్పింది.
దక్షిణాది సినిమా ఇండస్ట్రీ వారు టాలెంట్ ఉన్న ఎవ్వరినైనా యాక్సెప్ట్ చేస్తారనీ, చాలా స్నేహపూరితంగా వ్యవహరిస్తారని ఆమె అంది.
తను ముంబైలో పుట్టాననీ, ముంబైలోనే పెరిగాననీ, కాకపోతే తెలుగు, తమిళం సినిమాలే ఎక్కువగా చేసానని, అందుకే హైదరాబాద్, చెన్నై నగరాలనే తన నివాసంగా భావిస్తానని కాజల్ అంది.
దక్షిణాదిలో గొప్ప గొప్ప టెక్నీషియన్స్ ఉన్నారని, తెలుగు, తమిళం, కన్నడ, మళయాలం నుండి మంచి మంచి సినిమాలు వస్తున్నాయని న్యూస్ 18 రైజింగ్ ఇండియా సమ్మిట్ 2023లో వెల్లడి చేసింది.
కాజల్ అగర్వాల్
నిన్న ప్రియాంకా చోప్రా, ఈరోజు కాజల్ అగర్వాల్
దక్షిణాది చిత్రాలతో పాటు హిందీ సినిమాల్లోనూ చేసానని చెప్పిన కాజల్, దక్షిణాది సినిమా ఇండస్ట్రీలో కనిపించే విలువలు హిందీ సినిమాలో లోపిస్తున్నాయని కామెంట్స్ చేసింది.
ప్రస్తుతం కాజల్ అగర్వాల్ కామెంట్స్, సొషల్ మీడియాలో విపరీతమైన చర్చకు దారి తీసాయి. కొంతమంది నెటిజన్లు కాజల్ అగర్వాల్ పై నెగెటివ్ గా ట్రోల్ చేస్తున్నారు.
అయితే బాలీవుడ్ గురించి హీరోయిన్లు తరచుగా నోరు విప్పుతున్నారు. నిన్నటికి నిన్న ప్రియాంకా చోప్రా, బాలీవుడ్ లో రాజకీయాలు ఎక్కువగా ఉంటాయనీ, వాటిని తట్టుకోవడం కష్టంగా ఉండేదని అంది.
ఈరోజు కాజల్ అగర్వాల్ కూడా ఆల్ మోస్ట్ అలాంటి వ్యాఖ్యలే చేసింది. మరి ఈ విషయంలో బాలీవుడ్ నుండి ఎవరైనా స్పందిస్తారేమో చూడాలి.