బాలకృష్ణ డ్రీమ్ ప్రాజెక్ట్ పనులు మొదలు: 2024లో షూటింగ్?
బాలకృష్ణ తన డ్రీమ్ ప్రాజెక్టు ఛెంఘిజ్ ఖాన్ జీవిత కథలో నటించాలనుందని చాలాసార్లు చెప్పుకొచ్చారు. మంగోలియా యోధుడు ఛెంఘిజ్ ఖాన్ పాత్రలో బాలకృష్ణను చూడాలని అభిమానులు కూడా అనుకుంటున్నారు. అభిమానుల కోరిక మరికొన్ని రోజుల్లో నెరవేరబోతుందని తెలుస్తోంది. అవును, ఛెంఘిజి ఖాన్ చిత్రాన్ని వెండితెర మీదకు తీసుకొచ్చే ప్రయత్నాలు జరుగుతున్నాయని సమాచారం. స్క్రిప్టు పనులు జరుగుతున్నాయని, కథ పూర్తయ్యాక బాలకృష్ణకు వినిపిస్తారట. ఈ చిత్రాన్ని కోనేరు సత్యనారాయణ నిర్మించనున్నారని అంటున్నారు. ఛెంఘిజ్ ఖాన్ జీవితాన్ని వెండితెర మీద చూపించే సమయంలో, ఆందులో కమర్షియల్ అంశాలు ఉండనున్నాయట. సినిమాటిక్ లిబర్టీని తీసుకుని ప్రేక్షకులను నచ్చే విధంగా ఛెంఘిజ్ ఖాన్ కథను తీర్చిదిద్దుతున్నారని వినిపిస్తోంది.
ఎలక్షన్ల తర్వాత సినిమా షూటింగ్
అన్నీ కుదిరితే ఛెంఘిజ్ ఖాన్ సినిమాను 2024ఎన్నికల తర్వాత పట్టాలెక్కించాలని అనుకుంటున్నారట. ఛెంఘిజ్ ఖాన్ జీవిత కథను తెరకెక్కించాలని ఎన్టీ రామారావు అనుకున్నారట. దాసరి నారాయణరావు దర్శకత్వంలో ఈ సినిమా ఉండాలని భావించారట. కానీ ఏవేవో కారణాల వల్ల అది కుదరలేదు. ఇప్పుడు బాలయ్య మాత్రం ఈ సినిమాను తెరకెక్కించేలా కనిపిస్తున్నారు. అదలా ఉంచితే, బాలయ్య ప్రస్తుతం తన 108సినిమా షూటింగ్ లో బిజీగా ఉన్నారు. ఈ సినిమాను అనిల్ రావిపూడి తెరకెక్కిస్తున్నారు. ఈ సినిమాలో కాజల్ అగర్వాల్ హీరోయిన్ గా కనిపిస్తోంది. హ్యపెనింగ్ హీరోయిన్ శ్రీలీల బాలకృష్ణ కూతురుగా కనిపించనుంది. ఈ సినిమాకు భగవత్ కేసరి అనే టైటిల్ ని ఫిక్స్ చేయాలని అనుకుంటున్నారట.
