Unstoppable With NBK Season 4: బాలయ్య 'అన్‌స్టాపబుల్'.. కొత్త సీజన్ స్టార్ట్ ఎప్పుడో తెలుసా?
ఈ వార్తాకథనం ఏంటి
నందమూరి బాలకృష్ణ యాంకర్‌గా మారి ప్రేక్షకులను అలరించే టాక్ షో 'అన్‌స్టాపబుల్ విత్ ఎన్‌బీకే'. మరోసారి వేదికపైకి రాబోతోంది
. ఇప్పటికే మూడు సీజన్లు విజయవంతంగా పూర్తి చేసుకున్న ఈ షోకు సంబంధించిన నాలుగో సీజన్ త్వరలో ప్రేక్షకుల ముందుకు రానుంది.
ఈ సీజన్‌కు సంబంధించిన ట్రైలర్ ఇటీవల విడుదలైంది. అక్టోబర్ 24 నుంచి ఈ షో స్ట్రీమింగ్ కాబోతుంది.
ఈ సీజన్ ట్రైలర్ యానిమేషన్ రూపంలో రూపొందించడం విశేషం. ఈ ట్రైలర్‌కు 'సరిపోదా శనివారం' వంటి హిట్ ఆల్బమ్‌తో గుర్తింపు పొందిన సంగీత దర్శకుడు మ్యూజిక్ అందించారు.
ట్రైలర్‌లో బాలకృష్ణ పండుగ రాని ప్రదేశానికి పండుగను తీసుకురావడమే కాకుండా, చివర్లో తన ట్రేడ్‌మార్క్ డైలాగ్ 'దెబ్బకు థింకింగ్ మారిపోవాలా అంటూ పేర్కొన్నారు.
Details
త్వరలోనే స్ట్రీమింగ్
ఈ సీజన్‌లో కొన్ని ఎపిసోడ్ల షూటింగ్ ఇప్పటికే పూర్తి అయినట్లు సమాచారం. బాలకృష్ణ కూతురు నందమూరి తేజస్వి ఈ విషయాన్ని కన్ఫర్మ్ చేశారు.
సన్నీ డియోల్, గోపిచంద్ మలినేని, అల్లుఅర్జున్ వంటి ప్రముఖులతో కలిసి బాలకృష్ణ ఈ సీజన్‌లో ఎపిసోడ్లు పూర్తి చేసినట్లు వార్తలు ఉన్నాయి.
ఎప్పటికి ఈ ఎపిసోడ్లు స్ట్రీమ్ అవుతాయన్న విషయాలు త్వరలో వెల్లడి కానున్నాయి.
నందమూరి బాలకృష్ణ నటిస్తున్న తదుపరి సినిమా, దర్శకుడు బాబీ కాంబినేషన్‌లో వస్తున్న 'ఎన్‌బీకే 109' సినిమాకు సంబంధించిన అప్‌డేట్ కూడా ఇవాళ రాబోతోంది.
ఈ సినిమాను సంక్రాంతి పండుగ సందర్భంగా జనవరి 12న విడుదల చేయనున్నట్లు వార్తలు వినిపిస్తున్నాయి. దీపావళి సందర్భంగా టీజర్, టైటిల్ విడుదల చేయనున్నట్లు నిర్మాత సూర్యదేవర నాగవంశీ ప్రకటించారు.