పరిణీతి చోప్రా, రాఘవ చద్దా వివాహ వేడుకకు ముస్తాబవుతున్న ఉదయ్ పూర్ రాజభవనం
ఇటీవల సినిమా తారలు ఒక్కొక్కళ్ళుగా పెళ్ళి చేసుకుని కొత్త జీవితంలోకి అడుగుపెడుతున్నారు. ఆ జాబితాలోకి బాలీవుడ్ నటి పరిణీతి చోప్రా చేరబోతున్న సంగతి తెలిసిందే. ఇటీవల ఆమ్ ఆద్మీ పార్టీ ఎంపీ రాహుల్ చద్దాతో పరిణీతి చోప్రా నిశ్చితార్థం ఘనంగా జరిగింది. ఈ కార్యక్రమానికి కుటుంబ సభ్యులు, స్నేహితులు హాజరయ్యారు. వీరిద్దరి పెళ్ళి వేడుక ఈ సంవత్సరం చివర్లో ఉండబోతుందని తెలుస్తోంది. పెళ్ళి వేడుక కోసం ప్రదేశాలను వెతుకుతూ పరిణీతి, రాఘవ చద్దా బిజీగా గడుపుతున్నారట. తాజా సమాచారం ప్రకారం, రాజస్థాన్ రాష్ట్రం ఉదయ్ పూర్ లోని ఒబెరాయ్ ఉదయ విలాస్, పరిణీతి చోప్రా, రాఘవ వివాహానికి ముస్తాబు అవుతోందని తెలుస్తోంది.
రాజస్థాన్ లో సినిమా తారల పెళ్ళిళ్ళు
పరిణీతి, రాఘవ వివాహ వేడుకకు సిద్ధం అవుతోన్న ఉదయ విలాస్, పిచోలా సరస్సు ఒడ్డున ఉంది. ప్రకృతి అందాల నడుమ, రాజభవనంలో పరిణీతి వివాహం జరగబోతుందన్నమాట. దాదాపు సినిమా తారల పెళ్ళిళ్ళు రాజస్థాన్ లోనే జరుగుతుంటాయి. మొన్నటికి మొన్న టాలీవుడ్ హీరో శర్వానంద్ వివాహం రాజస్థాన్ జైపూర్ లోని లీలా ప్యాలెస్ లో జరిగింది. అటు బాలీవుడ్ హీరోయిన్ కత్రినా కైఫ్ పెళ్ళి, విక్కీ కౌశల్ తో రాజస్థాన్ లోనే జరిగింది. ప్రియాంకా చోప్రా, నిక్ జోనాస్ వివాహ వేడుక రాజస్థాన్ లోనే జరిగింది. వీరిద్దరిదీ డెస్టినేషన్ వెడ్డింగ్ కావడం విశేషం. రాజస్థాన్ లోని జోధ్ పూర్ లో ఉమైద్ ప్యాలెస్ లో వీరి వివాహం జరిగింది.
