బాక్సాఫీస్: 150కోట్ల దిశగా ది కేరళ స్టోరీ, పదవ రోజు ఎంత వసూలు చేసిందంటే?
ఈ వార్తాకథనం ఏంటి
ది కేరళ స్టోరీ సినిమా వివాదం ఇండియాలో పెద్ద ఎత్తున చర్చకు దారి తీసింది. చివరి నిమిషం వరకూ ఈ సినిమాను ఆపేయాలని, విడుదల చేయకూడదని కేరళ ప్రభుత్వం డిమాండ్ చేసింది. అయితే ఎన్నో వివాదాల నడుమ మే 5వ తేదీన ఎట్టకేలకు ది కేరళ స్టోరీ రిలీజైంది. ప్రస్తుతం ఈ సినిమా రిలీజై 10రోజులు గడిచిపోయాయి. ఈ పదిరోజుల బాక్సాఫీసు లెక్కలు చూస్తే ఎవ్వరైనా షాకవుతారు. అదా శర్మ ముఖ్య పాత్రలో కనిపించిన ఈ చిత్రానికి ఇప్పటివరకు 136కోట్ల కలెక్షన్లు వచ్చాయి. పదవ రోజైన ఆదివారం నాడు 23కోట్ల రూపాయల వసూళ్ళు వసూలు చేసింది. మొదటి ఆదివారం కంటే రెండవ ఆదివారంలోనే ఎక్కువ కలెక్షన్లు వసూలు చేసింది ఈ చిత్రం.
Details
హిందీ బెల్టులో తగ్గని ఆక్యుపెన్సీ
హిందీ బెల్టులో కేరళ స్టోరీ చిత్రాన్ని చూసేందుకు జనం ఎగబడుతున్నారు. రెండవ ఆదివారం నాడు, 54.68% సామర్థ్యంతో థియేటర్లు నిండిపోయాయంటే కేరళ స్టోరీ చిత్రాన్ని చూసేందుకు జనాలు చూపిస్తున్న ఆసక్తిని అర్థం చేసుకోవచ్చు. ఇలానే కొనసాగితే ది కేరళ స్టోరీ చిత్రం, అతికొద్ది రోజుల్లోనే 150కోట్ల మార్కును అందుకునే అవకాశం ఉంది. సుదీప్తోసేన్ దర్శకత్వం వహించిన ఈ సినిమాను విపుల్ అమృత్ లాల్ షా నిర్మించారు. అదా శర్మ ప్రముఖ పాత్రలో కనిపించిన ఈ సినిమాలో, సిద్ధి ఇద్నానీ, యోగితా బిహానీ, సోనియా బలానీ నటించారు.