చార్లీ చాప్లిన్ బర్త్ డే: మూడుసార్లు టీనేజర్లను పెళ్ళిచేసుకున్న చార్లీ జీవితంలోని ఎవ్వరికీ తెలియని విషయాలు
ఈ వార్తాకథనం ఏంటి
మాటలు లేకుండా కేవలం తన హావభావాలు, అల్లరి పనులతో నవ్వించే చార్లీ చాప్లిన్ గురించి ప్రత్యేకంగా పరిచయం అవసరం లేదు. మూకీ సినిమాల ద్వారా ప్రేక్షకులకు నవ్వులు పంచిన చార్లీచాప్లిన్ పుట్టినరోజు ఈరోజు.
ఈ నేపథ్యంలో ఆయన జీవితంలోని కొన్ని విషయాలు తెలుసుకుందాం.
5ఏళ్లకే సింగర్ గా మారిన చార్లీ:
చార్లీ తల్లిదండ్రులు లండన్ మ్యూజిక్ హాల్ లో పాటలు పాడేవారు. ఒకసారి తన తల్లి పాట పాడుతూ మధ్యలో ఇబ్బంది పడింది. అప్పుడు గొంతు సవరించుకున్న చార్లీ పాట పాడటం మొదలెట్టాడు.
అనాథాశ్రమంలో చార్లీ:
తన తల్లి ఆరోగ్యం దెబ్బతినడంతో కొన్ని రోజులు అనాథాశ్రమంలో ఉన్నాడు చార్లీ. తండ్రి ఆల్కహాల్ కు బానిసై 37ఏళ్ళకే చనిపోయాడు.
Details
స్టూడియో ఓనర్ ని నవ్వించిన చార్లీ గెటప్
మొదటి సినిమాను అసహ్యించుకున్న చార్లీ:
1913లో అమెరికా పర్యటనకు వచ్చిన చార్లీకి కీ స్టోన్ స్టూడియోస్ ఆఫర్ ఇచ్చింది. మేకింగ్ ఏ లివింగ్ అనే సినిమాలో పాత్ర ఇచ్చింది. ఆ సినిమా తనకు నచ్చలేదని చార్లీ తెలియజేసాడు.
దాదాపు అన్ని సినిమాల్లో అదే పాత్ర:
తన రెండవ సినిమాకి ముందు ఒకసారి చార్లీ చాప్లిన్, బ్యాగీ ప్యాంట్, పెద్ద బూట్లు, పెద్ద టోపీ, చిన్న గడ్డం పెట్టుకుని షూటింగ్ సెట్ లోకి వచ్చాడట. ఆ అవతారాన్ని చూసిన కీ స్టోన్ స్టూడియోస్ యజమాని, విపరీతంగా నవ్వేసి తర్వాతి సినిమాలో ఇలాంటి గెటప్ వేద్దామని అన్నాడట. ఆ తర్వాత చాలా సినిమాలు అదే గెటప్ లో వచ్చాయి.
Details
మూడు పెళ్ళిళ్ళు చేసుకున్న చార్లీ
టీనేజర్లతో మూడుసార్లు పెళ్ళి:
1918లో 17ఏళ్ల మిల్డ్రెడ్ హ్యారిస్ ని వివాహం చేసుకున్నాడు. ఆ తర్వాత లీటా గ్రేని వివాహం చేసుకుని కొన్ని రోజులకు బ్రేకప్ చెప్పేసాడు. 1943లో 54ఏళ్ళ వయసులో ఊనా ఓనిల్ అనే 18ఏళ్ల అమ్మాయిని పెళ్ళి చేసుకున్నాడు.
యుఎస్ బహిష్కరణ:
40ఏళ్ళుగా అమెరికాలో ఉన్న చార్లీ చాప్లిన్, అమెరికా పౌరసత్వాన్ని స్వీకరించలేదు. ఈ నేపథ్యంలో ఒకానొకసారి ఇంగ్లాండ్ కు వెళ్ళినపుడు తిరిగి అమెరికా రావడానికి అనుమతిని ఇవ్వలేదు అమెరికా ప్రభుత్వం.
ఈ కారణంగా స్విట్జర్ ల్యాండ్ వెళ్ళిపోయాడు చార్లీ. ఆ తర్వాత 1972లో అకాడమీ అవార్డు స్వీకరించడానికి మాత్రమే అమెరికా వచ్చాడట.