స్పిరిట్ నుండి తాజా అప్డేట్: మ్యూజిక్ డైరెక్టర్ ఎవరో తెలిసిపోయింది?
ఈ వార్తాకథనం ఏంటి
పాన్ ఇండియా స్టార్ ప్రభాస్ చేతిలో ప్రస్తుతం సలార్, కల్కి 2898 AD, స్పిరిట్, మారుతి దర్శకత్వంలోని రాజాడీలక్స్ సినిమాలు ఉన్నాయి.
సలార్, కల్కి 2898 AD చిత్రాలు విడుదలకు సిద్ధమవుతున్నాయి. స్పిరిట్, రాజా డీలక్స్ సినిమాల గురించి ఎలాంటి సమాచారం కూడా బయటకు రాలేదు.
తాజాగా స్పిరిట్ సినిమా గురించి ఒకానొక వార్త హల్చల్ చేస్తుంది. స్పిరిట్ సినిమాకు మ్యూజిక్ డైరెక్టర్ ఫిక్స్ అయ్యారని అంటున్నారు.
సందీప్ రెడ్డి వంగా దర్శకత్వంలో రూపొందుతున్న స్పిరిట్ సినిమాకు హర్షవర్ధన్ రామేశ్వర్ సంగీతం అందించనున్నాడని టాక్ వినిపిస్తోంది.
గతంలో సందీప్ వంగా దర్శకత్వంలో వచ్చిన అర్జున్ రెడ్డి, కబీర్ సింగ్ సినిమాలకు హర్షవర్ధన్ రామేశ్వర్ నేపథ్య సంగీతం అందించారు.
Details
యానిమల్ తర్వాత స్పిరిట్ వైపు సందీప్ వంగా
మ్యూజిక్ డైరెక్టర్ విషయంలో అధికారిక సమాచారం ఇంకా బయటకు రాలేదు కానీ సోషల్ మీడియాలో వైరల్ అవుతోంది. ఏదైమైనా స్పిరిట్ సినిమా గురించి అప్డేట్ రావడం అభిమానులకు ఆనందంగా ఉంది.
ఇంకో విషయం ఏంటంటే, తాను ప్రస్తుతం తెరకెక్కిస్తున్న యానిమల్ తర్వాత సందీప్ రెడ్డి వంగా ఖచ్చితంగా స్పిరిట్ సినిమా పనుల మీదే కూర్చుంటాడని తెలుస్తోంది.
ఆ తర్వాత అల్లు అర్జున్ తో సినిమాను తెరకెక్కిస్తాడని అంటున్నారు. స్పిరిట్ సినిమాలో ప్రభాస్ పోలీస్ ఆఫీసర్ గా కనిపించనున్నారు. హై యాక్షన్ ఎంటర్ టైనర్ గా ఉండబోతుందని సమాచారం.