NBK 111: బాలయ్య - గోపీచంద్ మలినేని కాంబో నుంచి క్రేజీ అప్‌డేట్.. యుద్ధభూమి పోస్టర్ వైరల్!
ఈ వార్తాకథనం ఏంటి
నటసింహ నందమూరి బాలకృష్ణ వయసు 60 దాటినా కూడా తన ఎనర్జీ తగ్గే పేరులేదు. యాక్షన్ మోడ్‌లో దూసుకెళ్తూ వరుస హిట్ సినిమాలతో ప్రేక్షకులను ఆకట్టుకుంటున్నారు. బోయపాటి శ్రీను దర్శకత్వంలో వచ్చిన 'అఖండ' బాక్సాఫీస్ వద్ద ఘన విజయాన్ని సాధించిన సంగతి తెలిసిందే. అదే విజయాన్ని కొనసాగిస్తూ ఆ చిత్రానికి సీక్వెల్‌గా 'అఖండ 2' సిద్ధమవుతోంది. బాలయ్య-బోయపాటి కాంబినేషన్‌లో ఇది నాలుగో సినిమా కావడం విశేషం. భారీ అంచనాల మధ్య 'అఖండ 2' డిసెంబర్ 5న ప్రపంచవ్యాప్తంగా గ్రాండ్ రిలీజ్‌కు సిద్ధమవుతోంది. ఇదిలా ఉండగా, బాలయ్య తదుపరి ప్రాజెక్ట్ 'NBK 111' గురించి ఒక ఆసక్తికర అప్‌డేట్ బయటకొచ్చింది.
Details
రేపే అధికారిక ప్రకటన
'వీర సింహారెడ్డి' తర్వాత మళ్లీ గోపీచంద్ మలినేని దర్శకత్వంలో బాలకృష్ణ నటించబోతున్నారు. వృద్ధి సినిమాస్ ఈ చిత్రాన్ని భారీ బడ్జెట్‌తో నిర్మిస్తోంది. ఇప్పటికే ఈ సినిమాపై అభిమానుల్లో, ఇండస్ట్రీ వర్గాల్లో భారీ అంచనాలు నెలకొన్నాయి. తాజాగా చిత్ర బృందం ఓ ఇంట్రెస్టింగ్ పోస్టర్ విడుదల చేస్తూ హీరోయిన్ ఎవరనేది రేపు ప్రకటించనున్నట్లు తెలిపింది. రేపు మధ్యాహ్నం 12:01 గంటలకు చరిత్ర యుద్ధభూమి దాని రాణిని స్వాగతించడానికి సిద్ధంగా ఉంది. సామ్రాజ్యం రేపు ఆమె గంభీరమైన రాకను చూస్తోందని పోస్టర్లో పేర్కొన్నారు.
Details
శక్తివంతమైన పాత్రలో బాలయ్య
ఆ పోస్టర్లో యుద్ధభూమి నేపథ్యంలో సాగే గంభీరమైన విజువల్స్‌, వెనుక వరల్డ్ మ్యాప్‌ లుక్ ప్రేక్షకుల్లో ఆసక్తి రేకెత్తిస్తున్నాయి. దీంతో ఈ సినిమా చారిత్రాత్మక నేపథ్యంతో తెరకెక్కుతోందని అభిమానులు అంచనా వేస్తున్నారు. ఇకపోతే, ఈ చిత్రంలో నయనతార రాణిగా కనిపించబోతుందన్న వార్తలు వినిపిస్తున్నప్పటికీ, అధికారిక నిర్ధారణ రేపటిదాకా వేచి చూడాల్సిందే. ఎస్. థమన్ సంగీతం అందిస్తున్న 'NBK 111' హిస్టారికల్ యాక్షన్ ఎంటర్‌టైనర్‌గా రూపుదిద్దుకుంటోంది. శక్తివంతమైన పాత్రలో బాలయ్య మరోసారి తన నట విశ్వరూపాన్ని ప్రదర్శించబోతున్నారని సినీ వర్గాలు చెబుతున్నాయి.