Robinhood : వెండితెరపై డేవిడ్ వార్నర్.. 'రాబిన్ హుడ్' నుంచి ఫస్ట్ లుక్ రివీల్!
ఈ వార్తాకథనం ఏంటి
టాలీవుడ్ యంగ్ హీరో నితిన్ ప్రధాన పాత్రలో నటిస్తున్న చిత్రం 'రాబిన్ హుడ్'. వెంకీ కుడుముల దర్శకత్వంలో తెరకెక్కుతున్న ఈ సినిమాలో శ్రీలీల కథానాయికగా కనిపించనుంది.
మైత్రీ మూవీ మేకర్స్ బ్యానర్‌పై నవీన్ యేర్నేని, రవి శంకర్ నిర్మాణ బాధ్యతలు నిర్వహిస్తున్నారు. జీవీ ప్రకాశ్ కుమార్ ఈ చిత్రానికి సంగీతాన్ని అందిస్తున్నారు.
ఇక ఆస్ట్రేలియా మాజీ క్రికెటర్ డేవిడ్ వార్నర్ ఈ సినిమాలో ఓ కీలక పాత్ర పోషిస్తున్నట్టు చిత్రబృందం అధికారికంగా ప్రకటించింది.
అంతేకాదు, వార్నర్ ఫస్ట్ లుక్ పోస్టర్‌ను కూడా విడుదల చేశారు. క్రికెట్ మైదానంలో తన ఆటతో అభిమానులను అలరించిన వార్నర్ ఇప్పుడు వెండితెరపై కూడా తన సత్తా చాటేందుకు సిద్ధమవుతున్నాడు.
Details
మార్చి 28న రిలీజ్
ఈ ప్రకటనతో నెటిజన్లు సోషల్ మీడియాలో ఆసక్తికర కామెంట్లు చేస్తున్నారు. క్రికెట్‌లో అద్భుతాలు చేసిన వార్నర్, ఇక సినిమాల్లో కూడా సంచలనాలు సృష్టించాలని అభిమానులు ఆశిస్తున్నారు.
ఐపీఎల్‌లో సన్‌రైజర్స్ హైదరాబాద్ తరఫున డేవిడ్ వార్నర్ చాలా కాలం పాటు కీలక ఆటగాడిగా కొనసాగాడు. 2016లో అతని నాయకత్వంలో ఎస్ఆర్‌హెచ్ ఐపీఎల్ విజేతగా నిలిచింది.
అయితే ఆ తర్వాత నుంచి ఎస్ఆర్‌హెచ్ మళ్లీ ట్రోఫీ గెలుచుకోలేకపోయింది.
ఇక 'రాబిన్ హుడ్' సినిమా మార్చి 28న ప్రేక్షకుల ముందుకు రాబోతోంది. క్రికెట్ ఫ్యాన్స్‌తో పాటు సినీ ప్రేక్షకులందరికీ ఇది ప్రత్యేకమైన అనుభూతిని అందించనుంది.