Devara: ఓవర్సీస్ తో పాటు తెలుగు రాష్ట్రాల్లో ఒకేసారి షోస్
ఈ వార్తాకథనం ఏంటి
జూనియర్ ఎన్టీఆర్,కొరటాల శివ కాంబినేషన్‌లో వస్తున్న"దేవర" సినిమా థియేటర్లలో విడుదలకు సిద్ధంగా ఉంది.
ఈ చిత్రానికి సంబంధించిన తెలుగు రాష్ట్రాల్లో బుకింగ్స్ ఇప్పటికే రికార్డులను బద్దలు కొడుతున్నాయి.
ఎన్టీఆర్ ఆర్ట్స్, యువసుధ ఆర్ట్స్ సంయుక్తంగా నిర్మిస్తున్న ఈ చిత్రంలో జాన్వీ కపూర్,సైఫ్ అలీఖాన్, మలయాళ నటుడు టామ్ చాకో ముఖ్య పాత్రలు పోషిస్తున్నారు.
అనిరుధ్ రవిచందర్ సంగీత దర్శకత్వం వహించిన ఈ చిత్రంసెప్టెంబర్ 27న ప్రపంచ వ్యాప్తంగా భారీగా విడుదల కానుంది.
అలాగే,ఓవర్సీస్ అడ్వాన్స్ బుకింగ్స్ ఉహింహిచిన దాని కంటే ఎక్కువ రాబట్టాయి.
"దేవర"చిత్రం ఇప్పటికే ఉత్తర అమెరికాలో 3 మిలియన్ డాలర్ల మార్కును దాటింది.ప్రీమియర్ల ద్వారా $2.4 మిలియన్,తొలి రోజు $600K కలెక్ట్ చేసి మొత్తం 3 మిలియన్ మార్క్‌ను అందుకుంది.
వివరాలు
ప్రీమియర్ల ద్వారా ఆల్ టైమ్ టాప్-3లో "దేవర"
టికెట్ ప్రీ-సేల్స్‌లో కూడా సినిమా కొత్త రికార్డులను సృష్టించింది.గురువారం నాటికి 1,00,000 టిక్కెట్లు ప్రీ-సేల్స్ ద్వారా విక్రయించబడ్డాయి.
ఈ ప్రీమియర్ల ద్వారా "దేవర" ఆల్ టైమ్ టాప్-3లో అత్యధిక గ్రాస్ కలెక్ట్ చేసిన చిత్రాలలో ఒకటిగా నిలిచింది.
మరికొద్ది గంటల్లో 26న గ్రాండ్ ప్రీమియర్స్‌లో విడుదల కానుంది "దేవర".ఇప్పటివరకు 3 మిలియన్ డాలర్లు రాబట్టిన ఈ చిత్రానికి ఫస్ట్ వీకెండ్ నాటికి $5 మిలియన్ రాబట్టే అవకాశాలు కనిపిస్తున్నాయి.
6 సంవత్సరాల తర్వాత యంగ్ టైగర్ ఎన్టీఆర్ సినిమా సోలోగా విడుదల అవుతోంది. టాక్ ఎలా ఉన్నప్పటికీ, "దేవర" కలెక్షన్లు మాత్రం భారీగా ఉంటాయని భావిస్తున్నారు.