అట్లీ దర్శకత్వంలో ఐకాన్ స్టార్: త్వరలోనే గుడ్ న్యూస్ ఉంటుందని దర్శకుడి కామెంట్స్
ఈ వార్తాకథనం ఏంటి
బాలీవుడ్ బాద్ షా షారుక్ ఖాన్ హీరోగా జవాన్ సినిమాను దర్శకుడు అట్లీ తెరకెక్కించారు. ఈరోజు థియేటర్లలో రిలీజ్ అయిన జవాన్ సినిమాకు ప్రేక్షకుల నుండి పాజిటివ్ రివ్యూస్ వస్తున్నాయి.
అయితే జవాన్ సినిమా తర్వాత అట్లీ ఏ హీరోతో సినిమా చేస్తాడనే విషయంపై రకరకాల ఊహాగానాలు వస్తున్నాయి.
తాజాగా అట్లీ దర్శకత్వంలో అల్లు అర్జున్ హీరోగా సినిమా ఉండబోతుందని సోషల్ మీడియాలో వార్తలు వినిపిస్తున్నాయి.
ఇప్పుడే కాదు గత కొన్ని సంవత్సరాలుగా అల్లు అర్జున్-అట్లీ కాంబినేషన్లో సినిమా ఉండే అవకాశం ఉందని పుకార్లు వస్తూనే ఉన్నాయి.
తాజాగా ఈ విషయంపై దర్శకుడు అట్లీ స్పందించారు.
Details
త్వరలో గుడ్ న్యూస్ ఉంటుందన్న దర్శకుడు
జవాన్ సినిమా ప్రమోషన్లలో పాల్గొన్న అట్లీ, అల్లు అర్జున్ తో సినిమా ఉంటుందా అన్న ప్రశ్నకు, బన్నీకి ఆల్రెడీ తాను కథ చెప్పినట్లు వెల్లడి చేశారు.
అంతేకాదు త్వరలోనే ఒక గుడ్ న్యూస్ ఉండబోతుందని హింట్ ఇచ్చారు. అంటే ఆల్మోస్ట్ అల్లు అర్జున్ తో సినిమా ఓకే అయిపోయిందని అర్థమవుతోంది.
మరి ఈ విషయమై అధికారిక సమాచారం ఎప్పుడు వస్తుందో చూడాలి.
అదలా ఉంచితే ప్రస్తుతం అల్లు అర్జున్ పుష్ప సినిమాలో నటిస్తున్నాడు. సుకుమార్ దర్శకత్వం వహిస్తున్న ఈ సినిమాను మైత్రీ మూవీ మేకర్స్ నిర్మిస్తోంది.
దేవి శ్రీ ప్రసాద్ సంగీతం అందిస్తున్న ఈ సినిమా వచ్చే ఏడాది వేసవిలో విడుదల కానుంది.