కింగ్ ఆఫ్ కోత ట్రైలర్: మాస్ యాక్షన్ సినిమాలో దుల్కర్ సల్మాన్ కొత్త అవతారం
ఈ వార్తాకథనం ఏంటి
మహానటి సినిమాతో తెలుగు ప్రేక్షకులకు పరిచయమైన దుల్కర్ సల్మాన్, సీతారామం సినిమాతో తెలుగు ప్రేక్షకులకు మరింత చేరువయ్యాడు.
ప్రస్తుతం దుల్కర్ సల్మాన్ హీరోగా కింగ్ ఆఫ్ కోత సినిమా వస్తోంది. తాజాగా ఈ సినిమా ట్రైలర్ ను చిత్రబృందం విడుదల చేసింది.
ట్రైలర్ లో పూర్తిగా మాస్ అంశాలు కనిపిస్తున్నాయి. అధికారం కోసం ఎగబడే మనుషుల్ని ఈ సినిమాలో చూడబోతున్నటు ట్రైలర్ లో కనిపిస్తుంది.
ట్రైలర్ నిండా మాస్ అంశాలు, యాక్షన్లు సీన్లు ఉన్నాయి. సీతారామం వంటి క్లాస్ సినిమా తర్వాత దుల్కర్ సల్మాన్ నుండి ఇలాంటి మాస్ సినిమా రావడం ఆశ్చర్యపరుస్తుంది.
Details
ఆగస్టు 24న రిలీజ్ అవుతున్న సినిమా
దుల్కర్ సల్మాన్ గెటప్, డైలాగ్స్ అన్నీ మాస్ ప్రేక్షకులను ఆకట్టుకునే కింగ్ ఆఫ్ కోత ట్రైలర్ లో కనిపించాయి. సున్నితమైన కథల్లో దుల్కర్ సల్మాన్ ని చూసినవారికి ఈ సినిమాలో దుల్కర్ కొత్తగా కనిపిస్తాడు.
ఐశ్వర్య లక్ష్మీ హీరోయిన్ గా కనిపిస్తున్న ఈ సినిమాలో డ్యాన్సింగ్ రోజ్ షబ్బీర్, నైలా ఉషా, చెంబన్ వినోద్, అనికా సురేంద్రన్ నటిస్తున్నారు. జీ స్టూడియోస్ బ్యానర్ లో రూపొందిన ఈ సినిమాను అభిలాష్ జోషి డైరెక్ట్ చేసారు.
జేక్స్ బెజోయ్ సంగీతం అందిస్తున్న ఈ సినిమా, ఆగస్టు 24వ తేదీన మళయాలం, తెలుగు, తమిళం, హిందీ భాషల్లో రిలీజ్ అవుతుంది.