Killer : ఎలాన్ మస్క్ న్యూరోలింక్ పరిశోధనలే 'కిల్లర్' కాన్సెప్ట్.. హాలీవుడ్ లెవెల్‌లో సై-ఫై థ్రిల్లర్!
ఈ వార్తాకథనం ఏంటి
టాలీవుడ్‌లో సైన్స్ ఫిక్షన్ (సై-ఫై) సినిమాలు రావడం చాలా అరుదు. అయితే, హాలీవుడ్ స్థాయి కాన్సెప్ట్‌ను తెలుగు ప్రేక్షకులకు పరిచయం చేసేందుకు దర్శకుడు పూర్వాజ్ సిద్ధమవుతున్నారు. ఎలాన్ మస్క్‌కు చెందిన 'న్యూరోలింక్' సంస్థ చేస్తున్న పరిశోధనలు, కృత్రిమ మేధస్సు (AI), బ్రెయిన్ చిప్స్‌ నేపథ్యంలో 'కిల్లర్' సినిమాను తెరకెక్కించినట్లు ఆయన వెల్లడించారు. ఈ సినిమా కాన్సెప్ట్ గురించి పూర్వాజ్ చేసిన వ్యాఖ్యలు ఇప్పుడు ఆసక్తిని రేకెత్తిస్తున్నాయి.
వివరాలు
మనిషిపై బ్రెయిన్ చిప్ ప్రయోగం చేస్తే ఏమవుతుంది?
ప్రపంచ కుబేరుడు ఎలాన్ మస్క్ న్యూరోలింక్ ద్వారా బ్రెయిన్ చిప్స్‌పై పరిశోధనలు చేస్తున్నారు.
ఈ నేపథ్యంలో మిషన్లు, జంతువులపై జరుగుతున్న ప్రయోగాలను మనిషిపై నిర్వహిస్తే ఎలాంటి పరిణామాలు ఎదురవుతాయనే ఆలోచనతో 'కిల్లర్' కథను రూపొందించినట్లు దర్శకుడు పూర్వాజ్ తెలిపారు.
ఎలాన్ మస్క్ ప్రస్తుతం మిషన్లు, జంతువులపై ప్రయోగాలు చేస్తున్నారని, అదే తరహా ప్రయోగాన్ని ఒక మనిషిపై చేస్తే పరిస్థితులు ఎలా మారతాయనేదే తమ సినిమా ప్రధాన కాన్సెప్ట్ అని ఆయన వివరించారు.
ఈ ఆలోచన చుట్టూ కథను నడిపిస్తూ సైన్స్ ఫిక్షన్ అంశాలను ప్రేక్షకులకు ఆసక్తికరంగా అందించే ప్రయత్నం చేసినట్లు తెలుస్తోంది.
వివరాలు
హాలీవుడ్ స్థాయి కాన్సెప్ట్‌కు మాస్, థ్రిల్లర్ ఎలిమెంట్స్
'కిల్లర్' సినిమా కోసం భారీ హాలీవుడ్ స్థాయి సై-ఫై పాయింట్‌ను తీసుకున్నప్పటికీ, దానికి మాస్, థ్రిల్లర్ అంశాలను జోడించినట్లు పూర్వాజ్ వెల్లడించారు.
కేవలం సైన్స్ ఫిక్షన్ సినిమాలను ఇష్టపడే ప్రేక్షకులకే కాకుండా, సాధారణ ప్రేక్షకులకు కూడా కథ సులభంగా అర్థమయ్యేలా తెరకెక్కించినట్లు చెప్పారు.
వినోదానికి ప్రాధాన్యం ఇస్తూనే, కొత్త తరహా కాన్సెప్ట్‌ను పరిచయం చేయడమే లక్ష్యంగా పెట్టుకున్నట్లు ఆయన వ్యాఖ్యలను బట్టి తెలుస్తోంది.
వివరాలు
క్రిస్టోఫర్ నోలన్ 'ఒడిస్సీ'తో పోలికలు!
సినిమా కాన్సెప్ట్, దాని స్థాయిపై చిత్ర బృందం ఎంతో నమ్మకంగా ఉంది. టీమ్ సభ్యులు 'కిల్లర్'ను హాలీవుడ్ దర్శకుడు క్రిస్టోఫర్ నోలన్ తెరకెక్కిస్తున్న 'ఒడిస్సీ' వంటి సినిమాలతో పోలుస్తున్నారని పూర్వాజ్ తెలిపారు.
సినిమా చూసి థియేటర్ల నుంచి బయటకు వచ్చిన తర్వాత ప్రేక్షకులు కూడా అలాంటి అనుభూతిని పొందుతారని ఆయన ధీమా వ్యక్తం చేశారు.
రక్తపాతం లేకుండానే ప్రేక్షకుల మైండ్‌ను బ్లో చేసేలా ఈ చిత్రాన్ని రూపొందించినట్లు చిత్ర బృందం చెబుతోంది.
ముఖ్యంగా, మహిళా ప్రధాన పాత్రతో తెరకెక్కుతున్న ఈ ఫీమేల్ సెంట్రిక్ మూవీ సరికొత్త కాన్సెప్ట్‌తో ప్రేక్షకుల ముందుకు రానుంది.