పుష్ప 2 విలన్ లుక్ విడుదల: మాస్ అవతారంలో భన్వర్ సింగ్ షెకావత్
అల్లు అర్జున్ నటించిన పుష్ప సినిమా క్రియేట్ చేసిన సెన్సేషన్ అంతా ఇంతా కాదు. సుకుమార్ దర్శకత్వంలో వచ్చిన పుష్ప సినిమా, దేశవ్యాప్తంగా వసూళ్ల మోత మోగించింది. ఇప్పుడు అందరూ పుష్ప 2 కోసం ఎదురుచూస్తున్నారు. పుష్ప 2 నుండి మూడు నిమిషాల గ్లింప్స్ బయటకు వచ్చి అందరినీ ఆకట్టుకుంది. ఆ తర్వాత పుష్ప 2 నుండి ఎలాంటి అప్డేట్ రాలేదు. తాజాగా పుష్ప 2 విలన్ ని మేకర్స్ పరిచయం చేసారు. ఫాహద్ ఫాజిల్ పుట్టినరోజు సందర్భంగా భన్వర్ సింగ్ షెకావత్ పాత్ర లుక్ ని విడుదల చేసారు. పోలీస్ డ్రెస్ లో, సిగరెట్ కాలుస్తూ, నల్ల కళ్ళజోడు పెట్టుకుని మాస్ అవతారంలో ఫాహద్ కనిపించాడు.
పుష్ప, భన్వర్ సింగ్ షెకావత్ మధ్య యుద్ధమే పుష్ప 2
పుష్ప మొదటి భాగంలో క్లైమాక్స్ లో మాత్రమే ఫాహద్ ఫాజిల్ కనిపిస్తాడు. అల్లు అర్జున్, ఫాహద్ ఫాజిల్ మధ్య వచ్చే సీన్లు అందరికీ విపరీతంగా నచ్చాయి. పుష్ప 2 సెకండ్ పార్ట్ మొత్తం పుష్ప, భన్వర్ సింగ్ షెకావత్ పాత్రల మధ్యే ఉండనుంది. అందుకే పుష్ప 2 కోసంప్రేక్షకులు ఎంతగానో ఎదురుచూస్తున్నారు. ప్రస్తుతం పుష్ప 2 షూటింగ్ శరవేగంగా జరుగుతోంది. పుష్ప మొదటి భాగాన్ని మించిన యాక్షన్ సీక్వెన్సెస్ తో పుష్ప 2 అద్భుతంగా ఉండనుందని టాక్ వినిపిస్తోంది. రష్మిక మందన్న హీరోయిన్ గా కనిపిస్తున్న ఈ సినిమాను మైత్రీ మూవీ మేకర్స్ నిర్మిస్తోంది. రాక్ స్టార్ దేవిశ్రీ ప్రసాద్ స్వరాలు సమకూరుస్తున్నారు.
