గీతా ఆర్ట్స్ బ్యానర్ లో వరుసగా సినిమాలు: కార్తికేయ 2 దర్శకుడితో 300కోట్ల సినిమా
ఈ వార్తాకథనం ఏంటి
ప్రముఖ నిర్మాణ సంస్థ గీతా ఆర్ట్స్ బ్యానర్ లో తెరెకెక్కే సినిమాల లైనప్ చూస్తే ఎవ్వరికైనా ఆశ్చర్యమేస్తుంది.
తాజాగా 2018 సినిమా ఈవెంట్ లో పాల్గొన్న అల్లు అరవింద్, తన బ్యానర్ లో రాబోయే సినిమాల గురించి వెల్లడి చేసారు.
మాస్ సినిమాలను అవలీలగా రూపొందించే బోయపాటి శ్రీను దర్శకత్వంలో ఒక సినిమాను తెరకెక్కించేందుకు డీల్ ఓకే చేసుకున్నారట. ఈ సినిమా స్క్రిప్టు పనులు జరుగుతున్నాయట. అయితే ఈ సినిమాకు హీరోను మాత్రం ఇంకా ఎంచుకోలేదు.
అలాగే ఏజెంట్ తో డిజాస్టర్ అందుకున్న దర్శకుడు సురేందర్ రెడ్డి కూడా గీతా ఆర్ట్స్ బ్యానర్ లో సైన్ చేసాడట. ఇక కార్తికేయ 2 సినిమా దర్శకుడు మూడు సినిమాలు చేయబోతున్నాడట.
Details
300కోట్లతో భారీ బడ్జెట్ సినిమా
కార్తికేయ 2 సినిమాతో బంపర్ హిట్ సొంతం చేసుకున్న దర్శకుడు చందూ మొండేటి, గీతా ఆర్ట్స్ లో ఏకంగా మూడు సినిమాలకు సైన్ చేసాడట . ఆల్రెడీ రెండు కథలు ఫైనలేజ్ అయ్యాయని తెలుస్తోంది.
వీటిల్లో ఒకానొక ప్రాజెక్టును 300కోట్ల భారీ బడ్జెట్ తో నిర్మించాలని ప్లానింగ్ జరుతోందట. ఇవన్నీ గాక అల్లు అర్జున్ హీరోగా త్రివిక్రమ్ దర్శకత్వంలో గీతా ఆర్ట్స్ బ్యానర్ లో మరో సినిమా ఉండబోతుందని వినిపించింది.
ఇదంతా చూస్తుంటే గీతా ఆర్ట్స్ లైనప్ చాలా పెద్దగానే ఉంది. మరి ఈ సినిమాలన్నీ ఎప్పుడు పట్టాలెక్కుతాయో, ప్రేక్షకుల ముందుకు ఎప్పుడు వస్తాయో చూడాలి.