గేమ్ ఛేంజర్: దసరా కానుకగా పూనకాలు తెప్పించే మాస్ సాంగ్ రెడీ
దసరా సందర్భంగా అనేక సినిమాల నుండి అప్డేట్లు వరుసగా వస్తూనే ఉన్నాయి. ఈ క్రమంలో రామ్ చరణ్ హీరోగా నటిస్తున్న గేమ్ ఛేంజర్ సినిమా నుండి కూడా అప్డేట్ రాబోతుందని సమాచారం. శంకర్ దర్శకత్వంలో తెరకెక్కుతున్న గేమ్ ఛేంజర్ సినిమాలో రామ్ చరణ్ నటిస్తున్నాడు. ఈ సినిమా చిత్రీకరణ హైదరాబాద్ లో జరుగుతోంది. తమన్ సంగీతం అందిస్తున్న గేమ్ ఛేంజర్ సినిమా నుండి దసరా కానుకగా మంచి మాస్ సాంగ్ విడుదల కాబోతుందని తెలుస్తోంది. ఈ మేరకు పాట రికార్డింగ్ పనుల్లో తమన్ బిజీగా ఉన్నారట. మాస్ అభిమానులకు మంచి కిక్కిచ్చేలా అదిరిపోయే పాటను తమన్ రెడీ చేస్తున్నాడట.
పాటపై అధికారికంగా అప్డేట్ రాలేదు
ఇప్పటివరకు గేమ్ ఛేంజర్ సినిమా నుండి టైటిల్ మోషన్ పోస్టర్ మాత్రమే విడుదలైంది. ఆ తర్వాత సినిమా షూటింగుకు సంబంధించిన అప్డేట్లు తప్ప మరే ఇతర అప్డేట్లు కూడా రాలేదు. ప్రస్తుతం దసరా సందర్భంగా మాస్ సాంగ్ ని విడుదల చేయబోతున్నారు. ఈ పాట ఎప్పుడు విడుదల అవుతుందనేది చిత్రబృందం ఇంకా వెల్లడి చేయలేదు. దిల్ రాజు నిర్మాతగా శ్రీ వేంకటేశ్వర క్రియేషన్స్ బ్యానర్ లో తెరకెక్కుతున్న గేమ్ ఛేంజర్ సినిమాలో కియారా అద్వానీ హీరోయిన్ గా నటిస్తోంది. నవీన్ చంద్ర, అంజలి, సునీల్ ఎస్ జె సూర్య ప్రధాన పాత్రలో కనిపిస్తున్న గేమ్ ఛేంజర్ సినిమా వచ్చే ఏడాది విడుదల కానుంది.
