"గాండీవధారి అర్జున" టైటిల్ తో వరుణ్ తేజ్ కొత్త చిత్రం
ఈ వార్తాకథనం ఏంటి
మెగా హీరోల్లో తన సినిమాల ద్వారా తనకంటూ భిన్నమైన గుర్తింపును తెచ్చుకున్నాడు వరుణ్ తేజ్. ఆయన చేసే సినిమాలు విభిన్నంగా ఉంటాయని ప్రేక్షకులు నమ్ముతారు.
వాళ్ళ నమ్మకాన్ని పోగొట్టుకోకుండా ఎప్పటికప్పుడు సరికొత్త కథలతో ముందుకు వస్తున్నాడు వరుణ్ తేజ్. తాజాగా ప్రవీణ్ సత్తారు దర్శకత్వంలో వరుణ్ తేజ్ ఓ సినిమా చేస్తున్న సంగతి తెలిసిందే.
2022 అక్టోబర్ లో ఈ సినిమా షూటింగ్ మొదలైంది. ఈరోజు వరుణ్ తేజ్ పుట్టినరోజు సందర్భంగా ఈ సినిమాకు సంబంధించిన మోషన్ పోస్టర్ ని, టైటిల్ ని రివీల్ చేసారు.
తన సినిమాలకు విభిన్నమైన టైటిల్ ని ఎంచుకునే ప్రవీణ్ సత్తారు, వరుణ్ తేజ్ తో చేస్తున్న సినిమాకు "గాండీవధారి అర్జున" అనే టైటిల్ ని పెట్టాడు.
గాండీవధారి అర్జున
యాక్షన్ సన్నివేశాలతో అలరించే చిత్రంగా గాండీవధారి అర్జున
మోషన్ పోస్టర్ లో కనిపించిన దృశ్యాల ప్రకారం, యాక్షన్ ఎంటర్ టైనర్ గా రూపొందుతుందని తెలుస్తోంది.
బిల్డింగ్ మీదకు నల్లముసుగు వేసుకున్న దుండగులు రావడం, వారిని ఎదుర్కోవడానికి చేతిలో పిస్తోల్ పట్టుకుని వరుణ్ తేజ్ రావడం వంటి దృశ్యాలు మోషన్ పోస్టర్ లో కనిపించాయి.
మోషన్ పోస్టర్ లో వరుణ్ తేజ్, చాలా స్టైలిష్ గా కనిపించాడు. మోషన్ మోస్టర్ లో వినిపించిన నేపథ్య సంగీతం ఆకట్టుకుంది. ఈ సినిమాలో హీరోయిన్ ఎవరన్నది ఇంకా ప్రకటించలేదు. అదీగాక ముఖ్య పాత్రల్లో ఎవరు కనిపించనున్నారో వెల్లడించలేదు.
ఎస్వీసీసీ బ్యానర్ పై రూపొందుతున్న ఈ సినిమాను బీవీఎస్ఎస్ ప్రసాద్, బాపినీడు నిర్మిస్తున్నారు. మిక్కీ జే మేయర్ సంగీతం అందిస్తున్నాడు.
ట్విట్టర్ పోస్ట్ చేయండి
వరుణ్ తేజ్ కొత్త చిత్రం గాండీవధారి అర్జున మోషన్ పోస్టర్ రిలీజ్
#GandeevadhariArjuna pic.twitter.com/L2p4g5FttS
— Varun Tej Konidela (@IAmVarunTej) January 19, 2023