Pushpa 2: పుష్ప 2 ప్రీ రిలీజ్ కు గ్రాండ్ ప్లాన్.. రెండు ప్రదేశాల్లో ఈవెంట్స్ ఫిక్స్
సినీ ప్రేమికులందరూ ప్రస్తుతం పుష్ప 2 కోసం ఆసక్తిగా ఎదురుచూస్తున్నారు. అల్లు అర్జున్ హీరోగా, సుకుమార్ దర్శకత్వంలో వస్తున్న ఈ సినిమా, ప్రేక్షకుల్లో అత్యధిక ఆసక్తి రేపుతోంది. ఈ క్రమంలో సినిమా యూనిట్ ప్రీ రిలీజ్ ఈవెంట్ విషయంలో కూడా విశేషమైన నిర్ణయాలను తీసుకుంటున్నట్లు తెలుస్తోంది. ట్రైలర్ లాంచ్ ఈవెంట్‌ను బీహార్ రాజధాని పాట్నాలో నిర్వహించి ప్రేక్షకులను ఆశ్చర్యపరిచిన యూనిట్, ప్రస్తుతం హైదరాబాద్‌లో ప్రీ రిలీజ్ ఈవెంట్ కోసం సిద్ధమవుతోంది. కానీ ఈసారి ప్రత్యేకంగా రామోజీ ఫిల్మ్ సిటీ లేదా ఎల్బీ స్టేడియం లలో ఈవెంట్ నిర్వహించేందుకు ప్లాన్ చేస్తున్నారు. ఈ రెండు ప్రదేశాలలో ఎక్కడ చేస్తే అనుకూలమవుతుందో పరిశీలించి త్వరలో నిర్ణయం తీసుకోనున్నారు.
పెద్ద నగరాల్లో ప్రత్యేక ఈవెంట్లు
పుష్ప 2 ప్రమోషన్‌ను మరింత విస్తృతం చేయడానికి ప్రతి పెద్ద నగరంలో ప్రత్యేక ఈవెంట్లు నిర్వహించాలని యూనిట్ నిర్ణయించినట్లు సమాచారం. మైత్రి మూవీ మేకర్స్ అధినేతలు అత్యంత భారీ బడ్జెట్‌తో నిర్మించిన ఈ చిత్రం డిసెంబర్ 5న ప్రేక్షకుల ముందుకు రాబోతోంది. ఈ సినిమా టీజర్‌, పోస్టర్లు ఇప్పటికే ప్రేక్షకులను మంత్రముగ్ధులను చేసింది. ప్రతి చిన్న అప్డేట్ కూడా ఆసక్తిని పెంచుతోంది. ప్రీ రిలీజ్ ఈవెంట్‌తో సినిమా హైప్ మరింత పెరిగే అవకాశం ఉండటంతో, ఈ వేడుకను అత్యంత వైభవంగా నిర్వహించేందుకు చిత్రబృందం శ్రద్ధ చూపుతోంది.
