ఎంవై3 ట్రైలర్: రోబోగా నవ్వులు పంచడానికి వచ్చేస్తున్న హన్సికా మోత్వానీ
దేశముదురు సినిమాతో హీరోయిన్ గా తెలుగు సినిమాలోకి ఎంట్రీ ఇచ్చిన హన్సికా మోత్వానీ, ప్రస్తుతం ఎంవై3(MY3) అనే వెబ్ సిరీస్ లో నటిస్తున్నారు. రోబోటిక్ లవ్ స్టోరీగా వస్తున్న ఈ సిరీస్ లో మూగేన్ రావ్ హీరోగా కనిపిస్తున్నారు. తాజాగా ఈ సిరీస్ నుండి ట్రైలర్ రిలీజైంది. ఈ సిరీస్ లో హన్సికా మోత్వానీ రెండు విభిన్న పాత్రల్లో కనిపిస్తున్నారు. హ్యూమనాయిడ్ రోబో పాత్రతో పాటు సాధారణ హీరోయిన్ పాత్రలో హన్సికా మోత్వానీ కనిపిస్తున్నారు. ట్రైలర్ లో కనిపించిన దాని ప్రకారం, అమ్మాయిలను ముట్టుకుంటే ఎలర్జీ వచ్చే హీరోకి రోబోగా హన్సికా మోత్వానీ పరిచయం అవుతుంది.
సెప్టెంబర్ 15నుండి స్ట్రీమింగ్ కానున్న ఎంవై3
రోబోతో హీరో పరిచయం, ఆ తర్వాత హీరోలో వచ్చే మార్పులు ఈ సిరీస్ లో చూపించబోతున్నట్టు ట్రైలర్ చూస్తే అర్థమవుతోంది. ట్రైలర్ మొత్తం నవ్వులతో నిండిపోయింది. చూస్తుంటే సిరీస్ కూడా నవ్వులు పంచే విధంగా ఉండనున్నట్టు తెలుస్తోంది. రాజేష్ ఎం దర్శకత్వం వహిస్తున్న ఎంవై3 సిరీస్, డిస్నీ ప్లస్ హాట్ స్టార్ లో సెప్టెంబర్ 15వ తేదీన స్ట్రీమింగ్ అవుతుంది. అదలా ఉంచితే, కొన్ని రోజుల క్రితం హన్సికా మోత్వానీ, తన చిన్ననాటి స్నేహితుడు సోహైల్ కథూరియాను వివాహం చేసుకు ని కొత్త జీవితాన్ని స్టార్ట్ చేసారు. పెళ్ళి తర్వాత కూడా నటిగా బిజీగా ఉన్నారు హన్సిక.
