చిత్తా: తన కొత్త సినిమా ప్రీమియర్ వసూళ్ళను ఛారిటీకి అందించిన హీరో సిద్ధార్థ్
కొన్ని రోజుల క్రితం టక్కర్ సినిమాతో ప్రేక్షకులను పలకరించిన హీరో సిద్ధార్థ్, సరైన విజయాన్ని అందుకోలేక పోయారు. ప్రస్తుతం సిద్ధార్థ్ నుండి చిత్తా అనే ఎమోషనల్ డ్రామా వస్తోంది. చిత్తా సినిమా ట్రైలర్ ని హీరో సూర్య రిలీజ్ చేశారు. ట్రైలర్ కి ప్రేక్షకుల నుండి మంచి రెస్పాన్స్ వచ్చింది. చిత్తా సినిమా ప్రస్తుతం థియేటర్లలో రిలీజ్ అయింది. చిత్తా మూవీ థియేటర్లలో విడుదల కావడానికి ఒక రోజు ముందుగానే పెయిడ్ ప్రీమియర్స్ వేశారు. ఈ ప్రీమియర్స్ కి వచ్చిన వసూళ్లను హీరో సిద్ధార్థ్.. ఐ రీసెర్చ్ సెంటర్ అనే ఎన్జీవో కు విరాళంగా ఇచ్చేశారు.
10లక్షల రూపాయలు విరాళంగా ఇచ్చిన హీరో
చిత్తా సినిమా పెయిడ్ ప్రీమియర్స్ ద్వారా వచ్చిన పది లక్షల రూపాయల వసూళ్ళను ఐ రీసెర్చ్ సెంటర్ ఎన్జీవో కోసం విరాళంగా హీరో సిద్ధార్థ్ ఇచ్చేశారు. ఐ రీసెర్చ్ సెంటర్ అనే స్వచ్ఛంద సంస్థ ఇప్పటివరకు సుమారు 40వేల మందికి ఉచితంగా కంటి ఆపరేషన్లను నిర్వహించింది. చిత్తా సినిమాను హీరో సిద్ధార్థ సొంతంగా నిర్మించారు. తన సొంత నిర్మాణ సంస్థలో ఏ సినిమా రూపొందినా, అందులోంచి కొంతమేర ఐ రీసెర్చ్ సెంటర్ కి సహాయంగా అందిస్తానని హీరో సిద్ధార్థ్ చెప్పుకొచ్చారు. ఇక చిత్తా సినిమా విషయానికి వస్తే, బాబాయ్, కూతురు అనుబంధం గురించి ఈ సినిమాలో చూపించబోతున్నారు. యు అరుణ్ కుమార్ డైరెక్ట్ చేసారు.
