ఓటీటీలోకి వచ్చేస్తున్న విశాల్ కొత్త సినిమా మార్క్ ఆంటోనీ: స్ట్రీమింగ్ ఎక్కడంటే?
ఈ వార్తాకథనం ఏంటి
గత కొన్నేళ్లుగా సరైన హిట్టు లేక హీరో విశాల్ ఎంతగానో ఇబ్బంది పడ్డాడు. తాజాగా విశాల్ నటించిన మార్క్ ఆంటోని చిత్రం తమిళంలో బ్లాక్ బాస్టర్ గా నిలిచింది.
విశాల్ హీరోగా రూపొందిన ఈ సినిమాలో ఎస్ జె సూర్య కీలకపాత్రలో కనిపించాడు. తెలుగు, తమిళంలో ఒకేరోజు రిలీజ్ అయిన ఈ సినిమాకు తమిళ ప్రేక్షకుల నుండి మంచి రెస్పాన్స్ వచ్చింది.
తెలుగులో మాత్రం ఈ సినిమాకు సరైన ఆదరణ లభించలేదు. తమిళంలో విశాల్ కెరీర్ లోనే 100 కోట్ల కలెక్షన్లు సాధించిన చిత్రంగా మార్క్ ఆంటోని నిలిచింది.
ప్రస్తుతం మార్క్ ఆంటోని చిత్రం ఓటిటి విడుదలకు సిద్ధమవుతోంది. అక్టోబర్ 13నుండి తెలుగు, తమిళం భాషల్లో అమెజాన్ ప్రైమ్ వేదికగా స్ట్రీమింగ్ కానుంది.
Details
మార్క్ ఆంటోనీ కథ ఏంటంటే?
గ్యాంగ్ స్టర్ ఆంటోనీ(విశాల్) కొడుకు మార్క్(విశాల్) కి తండ్రి మీద కోపం ఉంటుంది. ఎందుకంటే తన తల్లిని బాధపెట్టాడని మార్క్ ఫీలవుతుంటాడు.
అయితే ఒకానొక గొడవలో ఆంటోనీ చనిపోతాడు. ఆ సమయంలో, మార్క్ ని చేరదీసి జాకీ మార్తాండ(ఎస్ జే సూర్య) పెంచుతాడు.
తండ్రి మీద కోపంతో ఉన్న మార్క్ కి టైమ్ ట్రావెల్ గురించి తెలుస్తుంది. ఈ క్రమంలో అతనికి తన తండ్రి గురించి ఒక నిజం తెలుస్తుంది. అదేంటి? ఆ తర్వాత ఏం జరిగిందనేదే కథ.
సునీల్, రీతూవర్మ, అభినయ తదితరులు నటించిన ఈ సినిమాకు అధిక్ రవిచంద్రన్ దర్శకత్వం వహించారు.