వచ్చినవాడు గౌతం టైటిల్ తో అశ్విన్ బాబు కొత్త సినిమా: మరోసారి ప్రేక్షకులను థ్రిల్ చేసేందుకు సిద్ధం
ఇటీవల విడుదలైన హిడింబ సినిమాతో ఫర్వాలేదు అనిపించుకున్న అశ్విన్ బాబు, ప్రస్తుతం వచ్చినవాడు గౌతం అనే టైటిల్ తో కొత్త సినిమాను తీసుకు వస్తున్నాడు. అశ్విన్ బాబు పుట్టినరోజు సందర్భంగా ఈరోజు వచ్చినవాడు గౌతం టైటిల్ పోస్టర్ ని రిలీజ్ చేసారు. మెడికో థ్రిల్లర్ జోనర్ లో ఈ సినిమా తెరకెక్కుతోందని చిత్రబృందం ప్రకటించింది. ఆ మాటలకు తగినట్లుగానే టైటిల్ పోస్టర్ లో స్టెతస్కోప్ ని చేతిలో పట్టుకున్నట్లు, ఆ చేతికి రక్తపు బొట్లు కారుతున్నట్లు చూపించారు. షణ్ముఖ పిక్చర్స్ బ్యానర్ లో రూపొందుతున్న ఈ సినిమాను అల్లూరి సురేష్ నిర్మిస్తున్నారు. మామిడాల ఎమ్ఆర్ క్రిష్ణ దర్శకత్వం వహిస్తున్న ఈ సినిమాకు గౌతం హరి స్వరాలు సమకూరుస్తున్నారు.
హిడింబకు మైనస్ గా మారిన ఆ ఎపిసోడ్
అశ్విన్ బాబు మొదటి నుండి థ్రిల్లర్ జోనర్ సినిమాల్లోనే కనిపిస్తున్నాడు. రాజు గారి గది ఫ్రాంఛైజీ సహా హిడింబ వరకు కూడా అన్నీ థ్రిల్లర్ జోనర్ లో తెరకెక్కినవే.
