NBK 111 Mass Dialogue: నేనే ఈ చరిత్ర.. బాలయ్య బేస్ వాయిస్ డైలాగ్ లీక్!
ఈ వార్తాకథనం ఏంటి
తెలుగు సినిమా ఇండస్ట్రీలో నందమూరి నటసింహం బాలకృష్ణకు ప్రత్యేక స్థానముంది. ఆయన అభిమానుల్లో మాత్రమే కాదు, సాధారణ ప్రేక్షకుల్లో కూడా బాలయ్య బాబు డైలాగ్స్‌కు ఉన్న క్రేజ్ ప్రత్యేకం. బేస్ వాయిస్‌తో చెప్పిన ఊర మాస్ డైలాగ్స్ ప్రేక్షకులలోకి తాకుతూ హిట్ సినిమాలను సృష్టించడం సాధారణం. అందుకే, బాలయ్య సినిమాల కోసం డైలాగ్స్ రాయడం కొంచెం టఫ్ అని సినీ వర్గాలు చెబుతున్నాయి. నిన్న జరిగిన అఖండ 2 ప్రీరిలీజ్ ఈవెంట్‌లో బాలయ్య బాబు స్పీచ్ ప్రధాన ఆకర్షణగా నిలిచింది. బాలయ్య-బోయపాటి శ్రీను కాంబినేషన్‌లో సినిమాలు వచ్చినప్పుడు అభిమానుల్లో ప్రత్యేక క్రేజ్ ఏర్పడుతుంది. గతంలో వీరిద్దరి కాంబినేషన్‌లో వచ్చిన సూపర్ హిట్ సినిమాల్లో డైలాగ్స్ ఎంత పవర్‌ఫుల్‌గా ఉంటాయో తెలిసిందే.
Details
111వ సినిమాలోని ఒక ఊర మాస్ డైలాగ్
అఖండ 2లో కూడా బాలయ్య బాబు పలికే ఒక్కో డైలాగ్ భీభత్సం గా ఉంటుందంటూ ప్రచారం జరుగుతోంది. ప్రోమో వీడియోలలోని డైలాగ్స్ ఊర మాస్ గా ఉన్నాయని టాక్ నడుస్తోంది. ప్రీరిలీజ్ ఈవెంట్‌లో బాలయ్య బాబు తన 111వ సినిమాలోని ఒక ఊర మాస్ డైలాగ్‌ను లీక్ చేశారు. చరిత్రలో చాలామంది ఉంటారు. కానీ సృష్టించిన చరిత్రను మరల మరల తిరగరాసి సృష్టించే వాడు ఒక్కడే ఉంటాడు. నేనే ఈ చరిత్ర నాదే ఆ చరిత్ర అంటూ ఆయన బేస్ వాయిస్‌తో చెప్పడంతో, అభిమానులు ఉల్లాసంతో ఊగిపోయారు. ఈ సినిమాకు మలినేని గోపీచంద్ దర్శకత్వం వహిస్తున్నారు. ఊహించని విధంగా లీక్ అయిన ఈ పవర్ఫుల్ డైలాగ్ కారణంగా సినిమాపై అంచనాలు మరింత పెరిగాయి.