Ileana: ఉయ్యాల్లో ఊగుతున్న బాబు ఫోటోలను షేర్ చేసిన ఇలియానా
హీరోయిన్ ఇలియానా ప్రస్తుతం మాతృత్వాన్ని ఆనందిస్తున్నారు. ఆగస్టు 1వ తేదీన పండంటి బాబుకు జన్మనిచ్చిన ఇలియానా మాతృత్వపు మధురిమల్ని ఆస్వాదిస్తున్నారు. తన బాబు పేరు కోయా ఫీనిక్స్ డోలాన్ అని సోషల్ మీడియా వేదిక ద్వారా ఇలియానా తెలియజేశారు. తాజాగా కోయాతో ఆడుతున్న ఫోటోలను ఇలియానా ఇంటర్నెట్లో పంచుకున్నారు. నలుపు రంగు డ్రెస్ వేసుకున్న కోయా ఫీనిక్స్ ఉయ్యాల్లో ప్రశాంతంగా ఉన్నాడు. బాబుకు పక్షి బొమ్మను చూపెడుతూ ఇలియానా నవ్వుతున్న ఫోటో మనకు కనిపిస్తుంది. తాను పక్షి బొమ్మ చూపెడుతుంటే కోయా ఫీనిక్స్ మొహం వెలిగిపోతుందని ఇలియానా రాసుకొచ్చారు. ప్రస్తుతం ఇలియానా షేర్ చేసిన ఫోటోలు ఇంటర్నెట్లో వైరల్ గా మారాయి.
