గుంటూరు కారం సినిమా నుండి పూజా హెగ్డే బయటకు వచ్చేస్తోంది? కారణమేంటంటే?
ఈ వార్తాకథనం ఏంటి
మహేష్ బాబు, త్రివిక్రమ్ కాంబినేషన్ లో రూపొందుతున్న గుంటూరు కారం సినిమాకు కష్టాలు మొదలయ్యాయని తెలుస్తోంది. గతకొన్ని రోజులుగా ఈ సినిమా షూటింగ్ జరగట్లేదని సమాచారం.
తాజా వివరాల ప్రకారం, ఈ సినిమా నుండి పూజా హెగ్డే తప్పుకుందని వినిపిస్తోంది. ఈ సినిమా కోసం ఇప్పటికే పూజా హెగ్డే చాలా రోజులు కేటాయించిందని, అయినా కూడా తన పార్ట్ షూటింగ్ పూర్తవలేదని టాక్.
ఈ సినిమా వల్ల వేరే సినిమాలను పూజా వదులుకుందని, అటు ఆ సినిమాలు పోయి, ఇటు ఈ సినిమా షూటింగ్ ఆలస్యం కావడం తనకు ఇబ్బందిగా అనిపిస్తోందని ఫిలిమ్ నగర్ వర్గాల్లో వినిపిస్తోంది.
అందుకే సినిమా నుండి తప్పుకుందని అంటున్నారు. ప్రస్తుతానికి ఈ విషయమై అధికారిక సమాచారం రాలేదు.
Details
థమన్ కూడా అదే బాటలో?
కేవలం పూజా హెగ్డే మాత్రమే కాదు, గుంటూరు కారం సినిమా కోసం వచ్చిన ఇతర ఆర్టిస్టులు సైతం ఇలాంటి ఇబ్బందినే ఎదుర్కొంటున్నారని అంటున్నారు.
ఈ సినిమా షూటింగ్ అనుకున్న తేదీల్లో జరక్కపోవడం వల్ల, తాము మరిన్ని డేట్స్ ఇవ్వాల్సి వస్తుందని, దానివల్ల వేరే సినిమాలు పోతున్నాయని ఫీల్ అవుతున్నారని టాక్ నడుస్తోంది.
అలాగే సంగీత దర్శకుడు థమన్ కూడా గుంటూరు కారం నుండి తప్పుకుంటున్నాడని సోషల్ మీడియాలో రకరకాల వార్తలు వస్తున్నాయి.
ఈ వార్తలకు సెటైరికల్ గా తన సోషల్ మీడియా ఖాతాలో, బనానా, బట్టర్ మిల్క్ పోస్టులు పెట్టాడని నెటిజన్లు చెబుతున్నారు. అసలు గుంటూరు కారం సినిమాలో ఏం జరుగుతుందో క్లారిటీ లేదు ఏదో గందరగోళం ఉందని అర్థమవుతోంది.