Jai Hanuman: జై హనుమాన్ కొత్త పోస్టర్ లాంచ్.. డ్రాగన్స్ తో పోరాడనున్న హనుమంతుడు
'హను-మాన్' సినిమా ప్రశాంత్ వర్మకు దేశవ్యాప్తంగా పేరు తెచ్చింది. ప్రశాంత్ వర్మ సినిమాటిక్ యూనివర్స్ (PVCU) నుండి మరో ఎపిక్ అడ్వెంచర్‌ను మనకు అందిస్తున్నాడు. 'జై హనుమాన్' అనే టైటిల్ తో తెరకెక్కుతున్న ఈ సినిమా 'హను-మాన్' కి సీక్వెల్. అయోధ్య రామ మందిర ప్రారంభోత్సవం రోజున దర్శకుడు ప్రీ ప్రొడక్షన్ పనులను ప్రారంభించాడు. అనంతరం, ఈ మూవీ నుంచి ఇటీవల శ్రీరామనవమి సందర్భంగా ఒక అద్భుతమైన పోస్టర్ ని తీసుకు వచ్చి ఆడియన్స్ ని ఆకట్టుకున్నారు. ఈ రోజు హనుమాన్ జయంతి సందర్భంగా మూవీ టీం కొత్త పోస్టర్ ని రిలీజ్ చేశారు. ఆ పోస్టర్ లో ఒక నిప్పులు కక్కే డ్రాగన్ హనుమంతుడి మీదకి దూసుకు వస్తున్నట్లు కనిపిస్తుంది.
డ్రాగన్స్ పై హనుమంతుడు పోరాటం
అప్పటికి హనుమంతుడు చేతిలో గద్దతో కొండపై ధైర్యంగా నిలబడి ఉన్నట్లు మనం పోస్టర్ చూడచ్చు. డ్రాగన్స్ ని ఇప్పటివరకు మనం హాలీవుడ్ చిత్రాల్లోనే ఎక్కువ చూసాము. ఇప్పుడు జై హనుమాన్ లో డ్రాగన్స్ ని చూడబోతున్నాము. అది కూడా హనుమంతుడు డ్రాగన్స్ పై పోరాటం చేస్తున్నారు. ఈ విషయం ఆడియన్స్ ని బాగా ఆకట్టుకుంటుంది. కాగా ఈ చిత్రాన్ని 3D ఫార్మాట్ లో ఆడియన్స్ ముందుకు తీసుకు రాబోతున్నారు. ప్రస్తుతం ప్రీ ప్రొడక్షన్ వర్క్స్ లో ఈ చిత్రం.. సెట్స్ పైకి ఎప్పుడు వెళ్తుందో చూడాలి. ఈరోజు, టీమ్ హను-మాన్ 100-రోజుల ఈవెంట్‌ను జరుపుకోనుంది.
