సలార్ సినిమాకు జేమ్స్ బాండ్ ఫీల్స్
ఈ వార్తాకథనం ఏంటి
ప్రభాస్, ప్రశాంత్ నీల్ కాంబినేషన్లో వస్తున్న సలార్ మూవీపై అంచనాలు ఆకాశాన్ని అంటుతున్నాయి. కేజీఎఫ్ తో బాక్సాఫీసును షేక్ చేసిన దర్శకుడు, ప్రభాస్ ని ఎలా చూపించబోతున్నాడోనని ఆశగా, ఆతృతగా ఉన్నారు.
వాళ్ళందరినీ ఆశ్చర్యపర్చడానికి సలార్ సినిమాకు జేమ్స్ ఆండ్ ఫీల్ తెచ్చే ప్రయత్నం చేస్తున్నాడు ప్రశాంత్ నీల్. విషయమేంటంటే, ప్రస్తుతం సలార్ సినిమా షూటింగ్, ఇటలీ దేశంలో మతేరా పట్టణంలో జరుగుతోంది.
ఈ ప్రాంతంలో జేమ్స్ బాండ్ చిత్రమైన నో టైమ్ టు డై సినిమాలోని కొన్ని యాక్షన్ సన్నివేశాలను తెరెకెక్కించారు. అదే ప్రాంతంలో సలార్ ను తెరకెక్కిస్తుండడంతో ఆసక్తిగా మారింది.
మతేరా మాత్రమే కాదు, ఇటలీలో ప్రముఖ నగరాలైన రోమ్ లో కూడా సలార్ షూటింగ్ జరగనుందని వినిపిస్తోంది.
సలార్
డ్యుయల్ రోల్ లో కనిపించనున్న ప్రభాస్
మతేరాలో జరుగుతున్న యాక్షన్ సీక్వెన్సెస్ లో పృథ్వీరాజ్ సుకుమార్ పాల్గొంటున్నారట. అదలా ఉంచితే, సలార్ లో ప్రభాస్ డ్యుయల్ రోల్ చేస్తున్నాడని అంటున్నారు.
ఈ విషయమై ఎలాంటి సమాచారం అధికారికంగా రానప్పటికీ, సోషల్ మీడియాలో ప్రచారం మాత్రం జరుగుతోంది. అంతేకాదు, సలార్ లో కేజీఎఫ్ హీరో యష్, అతిధి పాత్రలో కనిపిస్తారని గుసగుసలు వినిపిస్తున్నాయి.
శృతి హాసన్ హీరోయిన్ గా కనిపిస్తున్న సలార్ చిత్రాన్ని హోంబలే ఫిలిమ్స్ నిర్మిస్తోంది. రవి బస్రూర్ సంగీతం అందిస్తున్న ఈ సినిమాకు భువన గౌడ సినిమాటోగ్రఫీ చేస్తున్నారు.
యాక్షన్ డ్రామాగా రూపొందుతున్న సలార్ చిత్రం, 2023 సెప్టెంబర్ 28వ తేదీన ప్రపంచ వ్యాప్తంగా రిలీజ్ అవుతుంది.