రామ్ చరణ్ కూతురు క్లీం కార కోసం జూనియర్ ఎన్టీఆర్ అదిరిపోయే గిఫ్ట్?
ఈ వార్తాకథనం ఏంటి
రామ్ చరణ్, జూనియర్ ఎన్టీఆర్ ల మధ్య ఎంత మంచి స్నేహం ఉందో అందరికీ తెలుసు. ఆర్ఆర్ఆర్ సినిమాతో వాళ్ళ స్నేహం ఎలాంటిదో ఎక్కువ మందికి తెలిసింది.
రామ్ చరణ్, జూనియర్ ఎన్టీఆర్ కుటుంబాలు కూడా ఎంతో సాన్నిహిత్యంగా ఉంటాయి. అయితే తాజాగా రామ్ చరణ్ కూతురు కోసం జూనియర్ ఎన్టీఆర్ బహుమతిని పంపినట్లు చెబుతున్నారు.
బంగారు డాలర్స్ ని రామ్ చరణ్ కూతురు క్లీం కార కోసం బహుమతిగా జూనియర్ ఎన్టీఆర్ పంపారని అంటున్నారు. ఆ బంగారు డాలర్ నాణేలపై రామ్ చరణ్, ఉపాసన దంపతుల పేర్లతో పాటు క్లీం కార పేరు ఉందని చెప్పుకుంటున్నారు.
ఈ విషయమై అధికారికంగా సమాచారం లేకపోయినా సోషల్ మీడియాలో వార్తలు వస్తూనే ఉన్నాయి.
Dtails
బంగారు నాణేలపై తేలని క్లారిటీ
మరి క్లీం కార కోసం జూనియర్ ఎన్టీఆర్ నిజంగానే బంగారు డాలర్ నాణేలను పంపారా అన్నది తెలియాల్సి ఉంది.
రామ్ చరణ్, ఉపాసన దంపతులకు జూన్ 20వ తేదీన ఆడబిడ్డ జన్మించింది. ఆ పాపకు క్లీం కార అని నామకరణం చేసారు. క్లీం కార అనే పేరును లలిత సహస్ర నామం నుండి తీసుకున్నట్లు చిరంజీవి తెలియజేసారు.
ఇక సినిమాల విషయానికి వస్తే, రామ్ చరణ్ ప్రస్తుతం గేమ్ ఛేంజర్ సినిమాతో బిజీగా ఉన్నారు. ఈ చిత్ర షూటింగ్ ప్రస్తుతం హైదరాబాద్ లో శరవేగంగా జరుగుతోంది.
ఇటు కొరటాల శివ దర్శకత్వంలో దేవర సినిమాతో ఎన్టీఆర్ బిజీగా ఉన్నారు. ఈ సినిమాలో జాన్వీ కపూర్ హీరోయిన్ గా నటిస్తోంది.