బాలయ్య తర్వాతి సినిమాకు హీరోయిన్ కష్టాలు తీరినట్లే?
ఈ వార్తాకథనం ఏంటి
అఖండ, వీరసింహారెడ్డి సినిమాలతో వరుస విజయాలు అందుకున్న బాలకృష్ణ, తర్వాతి సినిమా కోసం సిద్ధమవుతున్నారు. బాలకృష్ణ కెరీర్లో 108వ చిత్రంగా రూపొందుతున్న ఈ సినిమా ప్రీ ప్రొడక్షన్ పనులు చకచకా జరుగుతున్నాయి.
వీరసింహారెడ్డి విజయోత్సవ వేడుకలో అనిల్ రావిపూడి మాట్లాడుతూ, తన సినిమాలో బాలయ్యను వేరే లెవెల్ లో చూపిస్తున్నట్లు చెప్పుకొచ్చాడు. దాంతో బాలయ్య 108వ సినిమా మీద అభిమానులు అంచనాలు పెంచేసుకున్నారు.
రాజా ది గ్రేట్, సరిలేరు నీకెవ్వరు, ఎఫ్2 వంటి హిట్ చిత్రాలను తీసిన అనిల్ రావిపూడి దర్శకత్వంలో ఈ సినిమా రూపొందుతుంది కాబట్టి బాలయ్య అభిమానులు చాలా ఎక్సైటెడ్ గా ఉన్నారు.
ఐతే గత కొన్ని రోజులుగా ఈ సినిమాలో హీరోయిన్ కోసం తెగ వెతుకుతున్నాడు అనిల్ రావిపూడి.
బాలకృష్ణ
వెదుకులాటకు ఫుల్ స్టాప్ పెట్టేసి హీరోయిన్ ని ఫిక్స్ చేసిన అనిల్ రావిపూడి
బాలయ్య 108వ సినిమాలో హీరోయిన్లుగా సోనాక్షి సిన్హా, ప్రియాంక జవాల్కర్ ల పేర్లు ముందుగా వినిపించాయి. కానీ వీళ్లేవరూ కాకుండా కాజల్ అగర్వాల్ ని ఫిక్స్ చేసినట్లు సోషల్ మీడియాలో వినిపిస్తోంది.
బాలయ్య 108వ సినిమాలో కాజల్ అగర్వాల్ హీరోయిన్ గా నటించే అవకాశం ఉందనీ, ఆల్రెడీ అడ్వాన్స్ ఇచ్చేసారనీ చెప్పుకుంటున్నారు. ఈ విషయమై అధికారిక ప్రకటన వస్తేనే గానీ నిజం బయటకు రాదు.
ఇకపోతే కాజల్ అగర్వాల్, తెలుగు సినిమాల్లో హీరోయిన్ గా ఓ వెలుగు వెలిగింది. 2020లో వ్యాపారవేత్త గౌతమ్ కిచ్లూని పెళ్ళు చేసుకుని సినిమాలకు దూరంగా ఉంది కాజల్. ఈ మధ్యే పండంటి మగబిడ్డకు జన్మనిచ్చింది.
కాజల్ రీ ఎంట్రీ బాలయ్య సినిమాతోనే ఉంటుందా అనేది చూడాలి.