డెవిల్: ప్రమోషన్ పనులు మొదలుపెట్టేందుకు ముహూర్తం ఫిక్స్ చేసిన మేకర్స్
ఈ వార్తాకథనం ఏంటి
బింబిసార సినిమాతో ఘన విజయాన్ని అందుకున్న కళ్యాణ్ రామ్, ఆ తర్వాత అమిగోస్ సినిమాతో ఫ్లాప్ ని మూటగట్టుకున్నాడు.
సినిమా ఫలితం ఎలా ఉన్నప్పటికీ ఆమెగోస్ సినిమాలో త్రిపాత్రాభినయం చేసి ప్రేక్షకులను ఆకట్టుకున్నాడు. ప్రస్తుతం కళ్యాణ్ రామ్ నుండి డెవిల్ సినిమా వస్తోంది.
అభిషేక్ పిక్చర్స్ బ్యానర్ లో రూపొందుతున్న ఈ సినిమాను నవీన్ మేడారం డైరెక్ట్ చేస్తున్నారు. నవంబర్ 24 వ తేదీన ఈ సినిమాను విడుదల చేసేందుకు చిత్ర బృందం రెడీ అవుతోంది.
ఈ నేపథ్యంలో ప్రమోషన్ పనులను మొదలు పెట్టేందుకు మేకర్స్ సిద్ధమవుతున్నారు. డెవిల్ సినిమా నుండి మొదటి పాటను రిలీజ్ చేస్తున్నట్లు చిత్ర బృందం ప్రకటించింది.
Details
మొదటి పాటపై రేపు సాయంత్రం రానున్న అప్డేట్
అయితే మొదటి పాట రిలీజ్ ఎప్పుడు ఉంటుందనేది రేపు సాయంత్రం 4:05గంటలకు వెల్లడి చేయనున్నారు.
డెవిల్ సినిమాలో బ్రిటిష్ సీక్రెట్ ఏజెంట్ గా కళ్యాణ్ రామ్ కనిపించబోతున్నాడు. పాన్ ఇండియా లెవెల్ లో ఈ సినిమాను విడుదల చేయడానికి చిత్ర బృందం ప్రయత్నిస్తోంది.
సంయుక్తా మీనన్ హీరోయిన్ గా కనిపిస్తున్న ఈ సినిమాకు సంగీతాన్ని హర్షవర్ధన్ రామేశ్వర్ అందిస్తున్నారు.
మరో విషయం ఏంటంటే, ఈ సినిమా నుండి దర్శకుడు నవీన్ మేడారం తప్పుకున్నాడని వార్తలు వచ్చాయి. ఇది నిజమో కాదో తెలియాలంటే మ్యూజికల్ అప్డేట్ వచ్చే వరకు వెయిట్ చేయాల్సిందే.