ఇండియన్ 2 కోసం నెలరోజులు షూటింగ్, కమల్ హాసన్ రెడీ
ఈ వార్తాకథనం ఏంటి
తమిళ బిగ్ బాస్ సీజన్ 6 పనులు పూర్తి చేసుకున్న కమలహాసన్, ఇండియన్ 2 సినిమా షూటింగ్ కోసం సిద్ధమవుతున్నాడు. తిరుపతిలో షూటింగ్ షెడ్యూల్ ముగించుకున్న తర్వాత ఇప్పటివరకు ఇండియన్ 2 షూటింగ్ పై ఎలాంటి అప్డేట్ రాలేదు.
తాజాగా వచ్చిన అప్డేట్ ఇండియన్ 2 అభిమానులను ఉత్సాహ పరుస్తోంది. మరికొద్ది రోజుల్లో చెన్నైలోని అమర్నాథ్ స్టూడియోలో 30 రోజులపాటు ఇండియన్ 2 సినిమా షూటింగ్ జరగనుంది. ఈ మేరకు అధికారిక సమాచారం రానప్పటికీ సోషల్ మీడియాలో వార్తలు వస్తూనే ఉన్నాయి.
చెన్నైలో 30 రోజుల షూటింగ్ పూర్తి చేసుకొని ఆ తర్వాత ఫారెన్ లో రెండు లేదా మూడు షెడ్యూల్స్ చేయనున్నారట.
ఇండియన్ 2
రామ్ చరణ్, కమల్ హాసన్ మధ్యలో ఉక్కిరి బిక్కిరి అవుతున్న శంకర్
దర్శకుడు శంకర్, ఇటు కమలహాసన్ తో ఇండియన్ 2 సినిమాను, అటు రామ్ చరణ్ తో మరో సినిమాను చేస్తున్నాడు. కొన్ని రోజులు రాంచరణ్ సినిమాను షూట్ చేస్తే మరికొన్ని రోజులు ఇండియన్ 2 సినిమా కోసం సమయాన్ని కేటాయిస్తున్నాడు శంకర్.
ఇండియన్ 2 సినిమా అసలు కథ:
1996లో వచ్చిన భారతీయుడు సినిమాకు సీక్వెల్ గా వస్తుంది ఇండియన్ 2. కాజల్ అగర్వాల్ హీరోయిన్ గా చేస్తుండగా ప్రియా భవానీ శంకర్, సిద్ధార్థ్, బాబీ సింహా, రకుల్ ప్రీత్ సింగ్ ప్రధాన పాత్రల్లో కనిపించనున్నారు.
ఈ సంవత్సరంలో షూటింగ్ పూర్తిచేసుకుని వీలైతే డిసెంబర్లో లేదా 2024 సంక్రాంతికి సినిమాను రిలీజ్ చేద్దామని ప్లాన్ చేస్తున్నారు. అనిరుద్ రవిచంద్ర సంగీతం అందిస్తున్నారు.