ప్రాజెక్ట్ కె ప్లానింగ్ అదుర్స్: విలన్ గా కమల్ హాసన్?
ఈ వార్తాకథనం ఏంటి
ప్రభాస్, దీపికా పదుకునే హీరోహీరోయిన్లుగా నటిస్తున్న ప్రాజెక్ట్ కె చిత్రం గురించి ఆసక్తికరమైన వార్త బయటకు వచ్చింది. మహానటి దర్శకుడు నాగ్ అశ్విన్ తెరకెక్కిస్తున్న ఈ చిత్రంలో కమల్ హాసన్ నటించబోతున్నాడని సమచారం.
ప్రాజెక్ట్ కె సినిమాలో విలన్ గా నటించాలని కమల్ హాసన్ ని చిత్రబృందం అడిగినట్లు తెలుస్తోంది. మరి ఈ ప్రపోజల్ ను కమల్ ఒప్పుకున్నారో లేదో తెలియదు.
ఒకవేళ కమల్ హాసన్ ఒప్పుకుంటే ప్రాజెక్ట్ కె సినిమాకు అదనపు మైలేజ్ వచ్చేసినట్లే అవుతుంది. ప్రాజెక్ట్ కె సినిమా మీద ఆల్రెడీ అంచనాలు హై రేంజ్ లో ఉన్నాయి.
విలన్ గా కమల్ హాసన్ నటిస్తే ఈ అంచనాలు మరింత పెరుగుతాయనడంలో ఎలాంటి సందేహం లేదు.
Details
500కోట్లకు పైగా బడ్జెట్ తో రూపొందుతున్న చిత్రం
టైమ్ ట్రావెల్ నేపథ్యంలో ఈ సినిమా సాగుతుందనీ, తెలుగు తెరపై ఇదివరకెన్నడూ చూడని కథ అనీ, పాన్ వరల్డ్ లెవెల్లో విడుదల అవుతుందని ప్రాజెక్ట్ కె గురించి వార్తలు వస్తున్నాయి.
ప్రాజెక్ట్ కె సినిమా నుండి ఇప్పటివరకు రెండు మేకింగ్ వీడియోస్ రిలీజ్ అయ్యాయి. ఒక వీడియో సినిమాలో కీలకంగా ఉండే వెహికల్ టైర్ ని చూపించారు.
మరో వీడియోలో విలన్లను పరిచయం చేసారు. ఈ రెండు వీడియోలకు అదిరిపోయే రెస్పాన్స్ వచ్చింది.
500కోట్లకు పైగా బడ్జెట్ తో రూపొందుతున్న ఈ చిత్రాన్ని సి అశ్వనీదత్ నిర్మిస్తున్నారు. బాలీవుడ్ నటుడు అమితాబ్ బచ్చన్ ప్రధాన పాత్రలో కనిపిస్తున్నారు.
ప్రాజెక్ట్ కె సినిమాను 2024 జనవరి 12వ తేదీన రిలీజ్ చేస్తామని చిత్రబృందం ప్రకటించింది.