వైరల్ వీడియో: గన్స్ ఎలా వాడాలో ట్రైనింగ్ తీసుకుంటున్న కమల్ హాసన్
ఈ వార్తాకథనం ఏంటి
లోక నాయకుడు కమల్ హాసన్ చేతిలో ప్రస్తుతం మూడు సినిమాలు ఉన్నాయి. శంకర్ దర్శకత్వంలో తెరకెక్కుతున్న ఇండియన్ 2, నాగ్ అశ్విన్ డైరెక్ట్ చేస్తున్న కల్కి2898 AD ఇంకా హెచ్ వినోద్ దర్శకత్వంలో రూపొందుతున్న కేహెచ్ 233 కూడా ఉన్నాయి. ఈ మూడు సినిమాల్లో హెచ్ వినోద్ దర్శకత్వంలో రూపొందుతున్న సినిమా షూటింగ్ ఇంకా మొదలు కాలేదు. ప్రస్తుతం ప్రీ ప్రొడక్షన్ పనులు జరుగుతున్నాయి. అయితే తాజాగా కేహెచ్ 233 చిత్రబృందం, ప్రీ ప్రొడక్షన్ పనుల్లోని కమల్ హాసన్ వీడియోను రిలీజ్ చేశారు. ఈ వీడియోలో కమల్ హాసన్, మెషిన్ గన్స్ ఎలా వాడాలో ట్రైనింగ్ తీసుకుంటున్నారు. ప్రస్తుతం ఈ వీడియో నెట్టింట చక్కర్లు కొడుతోంది.
Details
మరికొద్ది రోజుల్లో కేహెచ్ 233 షూటింగ్ మొదలు
కమల్ హాసన్ నటించిన విక్రమ్ సినిమాలో కూడా మెషిన్ గన్ తో ఫైట్ చేసిన సీన్స్ చాలా కనిపించాయి. ఇప్పుడు హెచ్ వినోద్ డైరెక్షన్లో రూపొందుతున్న సినిమాలో కూడా మెషిన్ గన్ సీన్స్ ఉండబోతున్నాయని అర్థమవుతుంది. మరో విషయం ఏంటంటే ఈ సినిమా షూటింగ్ మరికొద్ది రోజుల్లో మొదలు కాబోతుందని సమాచారం. అదలా ఉంచితే, ఇండియన్ 2 చిత్రం ఈ సంవత్సరం షూటింగ్ పూర్తి చేసుకుని వచ్చే ఏడాది విడుదలకు సిద్ధంగా ఉందని టాక్ వినిపిస్తోంది. అలాగే కమల్ హాసన్ విలన్ గా నటిస్తున్న కల్కి 2898 ఏడీ సినిమా కూడా వచ్చే ఏడాది వేసవిలో విడుదల కానుందని సమాచారం.
ట్విట్టర్ పోస్ట్ చేయండి
కమల్ హాసన్ మెషిన్ గన్ ట్రైనింగ్ వీడియో
Guts & Guns 🔥
— Raaj Kamal Films International (@RKFI) September 7, 2023
Training Begins #FuriousAction in #KH233#Ulaganayagan #KamalHaasan #RKFI52 #RISEtoRULE@ikamalhaasan #Mahendran #HVinoth@RKFI @turmericmediaTM @magizhmandram pic.twitter.com/Mec86yIhlh