Kannappa: 'కన్నప్ప' ఫైనల్ చాప్టర్.. కామిక్ బుక్ చివరి అధ్యాయం రిలీజ్
ఈ వార్తాకథనం ఏంటి
డైనమిక్ స్టార్ మంచు విష్ణు యొక్క డ్రీమ్ ప్రాజెక్ట్ 'కన్నప్ప' ప్రపంచవ్యాప్తంగా జూన్ 27న గ్రాండ్ రిలీజ్‌కి సిద్ధమవుతోంది.
ఈ మేరకు చిత్రబృందం ఇప్పటికే ప్రమోషన్లను జోరుగా కొనసాగిస్తోంది. విడుదలైన టీజర్లు, పాటలు ప్రేక్షకుల్లో సినిమాపై పాజిటివ్ బజ్‌ను పెంచాయి.
కాగా యూఎస్‌లో విష్ణు మొదలుపెట్టిన కన్నప్ప ప్రమోషనల్ టూర్‌లు మంచి ఆదరణ పొందుతున్నాయి.
ఇదిలా ఉంటే, కన్నప్ప కథను ప్రేక్షకులందరికీ అందుబాటులోకి తీసుకురావాలనే ఉద్దేశంతో చిత్ర బృందం దాన్ని కామిక్ బుక్స్ రూపంలోకి మలిచింది.
ఇప్పటికే విడుదలైన మొదటి రెండు ఎపిసోడ్‌లకు విశేష స్పందన లభించగా, ఇప్పుడు మూడో అధ్యాయాన్ని విడుదల చేశారు.
ఈ ఎపిసోడ్ హీరో కన్నప్ప పాత్రలోని భావోద్వేగాలు, ఆధ్యాత్మిక పరివర్తనను హృదయానికి హత్తుకునేలా చూపిస్తుంది.
Details
గెస్ట్ రోల్ లో ప్రభాస్
మొదట్లో దైవంపై విశ్వాసం లేకపోయిన ఆయన... కాలక్రమేణా శివ భక్తుడిగా మారే మార్గాన్ని ఈ కామిక్ బుక్ ఎపిసోడ్ ఆవిష్కరిస్తుంది.
ఈ కామిక్‌లోని విజువల్స్‌ను ఎయ్‌ఐ సాయంతో రూపొందించారు. ఈ వీడియోలు ఇప్పటికే ప్రేక్షకుల్ని ఆకట్టుకుంటున్నాయి. సినిమాకు ఇంకా గ్రాండ్ విజువల్ ఎఫెక్ట్స్ ఉండనున్నాయని టీమ్‌ హామీ ఇస్తోంది.
వాస్తవానికి, ఈ విఎఫ్‌ఎక్స్ పనులే కొంత ఆలస్యం కావడంతో సినిమాను జూన్ 27కి వ్యూహాత్మకంగా మోసినట్లు సమాచారం. ముఖేష్ కుమార్ సింగ్ దర్శకత్వం వహిస్తున్న ఈ మూవీలో రెబల్ స్టార్ ప్రభాస్ గెస్ట్ రోల్‌లో కనిపించనున్నారు.
అలాగే మోహన్ బాబు, మోహన్‌లాల్, అక్షయ్ కుమార్, శరత్ కుమార్, కాజల్ అగర్వాల్ వంటి భారీ తారాగణం ఈ చిత్రంలో కీలక పాత్రలు పోషిస్తున్నారు.