కాంతార 2 సినిమాపై క్లారిటీ: ఈసారి వెనక్కి వెళ్ళనున్న సినిమా
ఈ వార్తాకథనం ఏంటి
కేజేఎఫ్ తర్వాత పాన్ ఇండియా లెవెల్లో దుమ్ము దులిపిన కన్నడ చిత్రం కాంతార. నిజానికి ఈ సినిమాను పాన్ ఇండియా లెవెల్లో తెరకెక్కించలేదు, కానీ సినిమా సక్సెస్ తర్వాత పాన్ ఇండియా స్థాయిలో డబ్ చేసారు.
విడుదలైన అన్ని భాషల్లో తన సత్తా చాటుకుంది. అంతేకాదు ఆస్కార్ అవార్డుకు అన్ని అర్హతలున్న సినిమాగా రిమైండర్ లిస్ట్ లో చోటు దక్కించుకుంది. ఇటీవల జనవరిలో వందరోజుల పండగను పూర్తి చేసుకుంది.
ఈ నేపథ్యంలో కాంతారా సినిమా సీక్వెల్ పై రకరకాల వార్తలు వచ్చాయి. తాజాగా ఈ విషయమై హీరో కమ్ దర్శకుడు రిషబ్ శెట్టి స్పందిస్తూ, కాంతార 2 సినిమా ఉంటుందనీ, కాకపోతే అది కాంతార కు సీక్వెల్ కాదని ప్రీక్వెల్ అని చెప్పుకొచ్చాడు.
సినిమా
కాంతార 2 కాదు కాంతార 0.0
కాంతార సినిమా కథకు ముందు భాగాన్ని ఈసారి తెరమీద చూపించనున్నారట. పంజుర్లికి సంబంధించిన చాలా సీన్స్ ప్రీక్వెల్ లో ఉండనున్నాయని తెలుస్తోంది. అలాగే గుళిగ దైవం గురించి ఇంకాస్త వివరంగా ఉండబోతుందని సమాచారం.
ఎక్కువ సీన్లు వర్షం నేపథ్యంలో ఉండేలా ప్లాన్ చేస్తున్నారని వినిపిస్తోంది. ప్రస్తుతానికి స్క్రిప్ట్ పనులు జరుగుతున్నాయని, 2024 రెండవ అర్థభాగంలో కాంతార ప్రీక్వెల్ ని ప్రేక్షకుల ముందుకు తీసుకొచ్చే ప్రయత్నం చేస్తామని రిషబ్ శెట్టి చెప్పుకొచ్చారు.
కాంతార ప్రీక్వెల్ ని హోంబలే ఫిలిమ్స్ బ్యానర్ లో విజయ్ కిరంగదూర్ నిర్మిస్తున్నారు. మొత్తానికి కాంతార అభిమానులకు మంచి వార్త అందింది. మరి కాంతార ప్రీక్వెల్ ఎలాంటి మ్యాజిక్ సృష్టించనుందో చూడాలి.