సెట్స్ పైకి కన్నడ సంచలన మూవీ కాంతార-2
కాంతార కన్నడలో ఒక చిన్న సినిమాగా రిలీజ్ అయిన మూవీ పాన్ ఇండియా స్థాయిలో హిట్ అయ్యింది. కన్నడ నుంచి సౌత్, అటు నుంచి నార్త్ కి వెళ్లి కలెక్షన్ల వర్షం కురిపించింది. కేజీఎఫ్ స్థాయిలో కాంతార మూవీ సంచలనం సృష్టించింది. ప్రపంచ వ్యాప్తంగా రూ.450 కోట్లు వసూలు చేసింది. దర్శకుడు రిషబ్ శెట్టి దర్శకత్వం వహించి, ఇందులో హీరోగా నటించాడు. అయితే ఈ సినిమా సీక్వెల్ తీస్తారని ఎప్పటినుంచో ప్రచారం జరుగుతోంది. ఇండియా నుంచి ఆస్కార్ కి షార్ట్ లిస్ట్ అయిన సినిమాల్లో కాంతారకి చోటు దక్కింది. దీంతో కాంతార సినిమాపై అందరి దృష్టి పడింది.
కాంతార ప్రీక్వెల్‌కి లైన్ క్లియర్
అయితే ఇది కాంతరకి సీక్వెల్ కాదని, ప్రీక్వెల్ గా తెరకెక్కించబోతున్నట్లు తెలిసింది. అంటే ఫస్ట్ పార్ట్ లో మనం చూసిన ఫస్ట్ 20 మినిట్స్ కి ముందు జరిగిన కథ(శివ తండ్రి కథ)తో కాంతార 2 తెరకెక్కనుందని సమాచారం. జూన్ నుంచి ఈ మూవీ రెగ్యులర్ షూటింగ్ ప్రారంభమయ్యే అవకాశం ఉందని శాండల్ వుడ్ వర్గాల సమాచారం. కాంతారా, K.G.F వంటి హిట్ చిత్రాలకు నిర్మాణం వహించిన హోంబలే ఫిల్మ్స్ కాంతారా ప్రీక్వెల్ ను ప్లాన్‌ చేస్తున్నట్లు వెల్లడించింది. రిషబ్ శెట్టి ఇప్పుడు కాంతార 2 స్క్రిప్ట్ వర్క్ మొదలుపెట్టాడు. కాంతారావు సినిమా దేశవ్యాప్తంగా భారీ విజయం సాధించడంతో రెండోభాగంపై అంచనాలు మరింతగా పెరిగాయి. మరి ఈసినిమా అంచనాలను అందుకుంటుందో లేదో చూడాలి
