రావణుడిగా తన పేరు వినిపించడంపై కేజీఎఫ్ స్టార్ రెస్పాన్స్ ఇదే
ఈ వార్తాకథనం ఏంటి
బాలీవుడ్ లో రామాయణం ఆధారంగా మరో సినిమా తెరకెక్కబోతుందని గతకొన్ని రోజులుగా వార్తలు వినిపిస్తున్నాయి. దంగల్, చిచోరే చిత్రాల దర్శకుడు నితీశ్ తివారీ దర్శకత్వంలో ఈ రామాయణం రూపుదిద్దుకుంటుందని టాక్.
ఇందులో రాముడిగా రణ్ బీర్ కపూర్, సీతగా ఆలియా భట్ నటించనున్నారని అంటున్నారు. ప్రస్తుతానికి ఈ సినిమా గురించి ఎలాంటి అధికారిక ప్రకటన రాలేదు.
అయితే ఈ సినిమాలో రావణాసురుడిగా కేజీఎఫ్ స్టార్ యశ్ నటించబోతున్నాడని వార్తలు వచ్చాయి. కేజీఎఫ్ తో పాన్ ఇండియా స్టార్ గా మారిన యశ్, బాలీవుడ్ లో ఎంట్రీ ఇవ్వనున్నాడని, అది రావణుడిగా ఉంటుందని అన్నారు.
Details
రావణుడి పాత్రలో నటించట్లేదని క్లారిటీ
నితీష్ తివారీ తెరకెక్కించే రామాయణంలో రావణుడిగా యశ్ నటిస్తున్నాడనే వార్త వైరల్ గా మారింది. తాజాగా ఒకానొక మీడియా సంస్థతో మాట్లాడిన యశ్, ఈ విషయమై వివరణ ఇచ్చాడు.
రావణుడిగా నటిస్తున్నానంటూ వచ్చిన వార్తల్లో ఎలాంటి వాస్తవం లేదనీ, వాటిని నమ్మవద్దనీ యశ్ చెప్పుకొచ్చాడు. తన తర్వాతి సినిమా గురించి మరికొన్ని రోజుల్లో అధికారికంగా ప్రకటన ఇస్తానని అన్నాడు.
కేజీఎఫ్ తర్వాత తన తర్వాతి సినిమాను యశ్ ఇంకా మొదలు పెట్టలేదు. అటు కేజీఎఫ్ దర్శకుడు ప్రశాంత్ నీల్ మాత్రం సలార్ సినిమాతో ప్రేక్షకుల ముందుకు వచ్చేందుకు సిద్ధమవుతున్నాడు.
మరి యశ్, నెక్స్ట్ సినిమాపై ఎప్పుడు ప్రకటన వస్తుందో చూడాలి.