సగిలేటి కథ ట్రైలర్: కోడికూర చుట్టూ తిరిగే కథ
ఈ వార్తాకథనం ఏంటి
యాక్టర్ నవదీప్ సమర్పణలో సగిలేటి కథ టైటిల్ తో సినిమా తెరకెక్కుతోంది. రవి మహాదాస్యం, విషిక లక్ష్మణ్ హీరో హీరోయిన్లుగా నటించిన ఈ చిత్ర ట్రైలర్, ఈరోజు విడుదలైంది.
ట్రైలర్ లో మొదటి షాట్లలో కోడికూర కోసం పాకులాడే పాత్రను చూపించారు. కేవలం ఒక్క పాత్రే కాదు మిగతా పాత్రలు కూడా కోడికూర కోసం ఆలోచిస్తున్నట్టుగా ట్రైలర్ లో చూపించారు.
రాయలసీమ గ్రామీణ నేపథ్యంలో సినిమా సాగుతుందని పాత్రలు మాట్లాడుతున్న యాసలో అర్థమవుతోంది. ఊరు, అందులోని మనుషులు, కోడికూర చుట్టూ సగిలేటి కథ సినిమా తిరుగుతుందని ట్రైలర్ లో చూపించారు.
Details
రచన, దర్శకత్వం, కెమెరా, ఎడిటింగ్ బాధ్యతలన్నీ ఒక్కడే
సగిలేటి కథ సినిమాతో రవి మహాదాస్యం, విషిక లక్ష్మణ్ హీరో హీరోయిన్లుగా పరిచయం అవుతున్నారు. ఈ సినిమాకు రచయితగా, దర్శకుడిగా, కెమెరామెన్ గా, ఎడిటర్ గా రాజశేఖర్ సుద్మూన్ వ్యవహరించారు.
అశోక్ ఆర్ట్స్, షేడ్ ఎంటర్ టైన్మెంట్స్, సీ స్పేస్ బ్యానర్లు సంయుక్తంగా నిర్మిస్తున్న ఈ సినిమాకు అశోక్ మిట్టపల్లి, దేవిప్రసాద్ బలివాడ నిర్మాతలుగా వ్యవహరిస్తున్నారు.
జశ్వంత్ పసుపులేటి సంగీతం అందిస్తున్న ఈ సినిమా, సెప్టెంబర్ లో విడుదల కానుంది. బలగం సినిమా మాదిరి ప్రేక్షకుల హృదయాలను సగిలేటి కథ హత్తుకుంటుందని చిత్ర నిర్మాతలు ఆశిస్తున్నారు.