తెలుగు చిత్ర పరిశ్రమలో తీవ్ర విషాదం: కళాతపస్వి కే విశ్వనాథ్ కన్నుమూత
ఈ వార్తాకథనం ఏంటి
శంకరాభరణం, సాగర సంగమం, సిరివెన్నెల, స్వాతిముత్యం చిత్రాల దర్శకుడు కళాతపస్వి కే విశ్వనాథ్, గురువారం అర్థరాత్రి హైదరాబాద్ లో తన నివాసంలో తుదిశ్వాస విడిచారు.
గతకొన్ని రోజులుగా వయసు సంబంధ అనారోగ్యంతో బాధపడుతున్న కే విశ్వనాథ్, 92ఏళ్ళ వయసులో పరమపదించారు. దీంతో టాలీవుడ్ లో తీవ్ర విషాదం నెలకొంది.
కే విశ్వనాథ్ మృతిపై తెలంగాణ ప్రభుత్వం సంతాపం తెలియజేసింది. సినీ, రాజకీయ ప్రముఖులందరూ సోషల్ మీడియా ద్వార తమ సంతాపాన్ని తెలియజేస్తున్నారు.
1930లో ఆంధ్రప్రదేశ్ లోని రేపల్లె గ్రామంలో జన్మించిన కె విశ్వనాథ్, సినిమాల మీద ఇష్టంతో మద్రాసు చేరుకుని వాహిని స్టూడియోలో ఆడియోగ్రాఫర్ గా జాయిన్ అయ్యారు. ఆ తర్వాత దర్శకుడు ఆదుర్తి సుబ్బారావు దగ్గర అసిస్టెంట్ గా జాయిన్ అయ్యారు.
కే విశ్వనాథ్
5 నేషనల్ అవార్డులు, 10నంది అవార్డులు అందుకున్న కే విశ్వనాథ్
1951లో పాతాళ భైరవి సినిమా కోసం కే విశ్వనాథ్ అసిస్టెంట్ గా పనిచేసారు. 1965లో ఆత్మగౌరవం సినిమాతో దర్శకుడిగా విశ్వనాథ్ కెరీర్ మొదలైంది. ఉత్తమ చిత్రంగా ఆ సినిమా నంది అవార్డు గెలుచుకోవడం విశేషం.
ఆ తర్వాత చెల్లిలి కాపురం(1971), శారద(1973), ఓ సీత కథ(1974), జీవన జ్యోతి(1975) చిత్రాలకు దర్శకుడిగా పనిచేసారు.
1980లో వచ్చిన శంకరాభరణం సినిమాతో విశ్వనాథ్ పేరు దేశమంతటా వ్యాపించింది. ఈ సినిమాకు 4జాతీయ అవార్డులు వచ్చాయి. సుర్ సుంగమ్ పేరుతో హిందీలో రీమేక్ అయ్యింది.
తన కెరీర్లో 5జాతీయ అవార్డులు, 10 నంది అవార్డులు, 10 ఫిలిమ్ ఫేర్ అవార్డులు అందుకున్నాడు విశ్వనాథ., 1992లో భారత ప్రభుత్వం పద్మశ్రీ తో సత్కరించింది.