మహాభారత్ సీరియల్ లో శకుని మామ పాత్రలో కనిపించిన నటుడు కన్నుమూత
ఈ వార్తాకథనం ఏంటి
బీఆర్ చోప్రా తీసిన మహాభారత్ సీరియల్ నటుడు గుఫీ పెంటల్, ఈరోజు తుదిశ్వాస విడిచారు. 79ఏళ్ళ వయసులో వయసురీత్యా వచ్చిన అనారోగ్యం కారణంగా కన్నుమూశారు.
మహాభారత్ సీరియల్ లో శకుని మామ పాత్రలో గుఫీ పెంటల్ నటించారు. ఆయనకు మహాభారత్ సీరియల్ వల్ల బాగా పేరొచ్చింది.
హిందీ సినిమాల్లో నటించినప్పటికీ మహాభారత్ సీరియల్ ద్వారా మాత్రమే అందరికీ పరిచయమయ్యాడు. గుఫీ పెంటల్ మరణించిన విషయాన్ని ఆయన బంధువులు హితేన్ పెంటల్ వెల్లడించారు.
ఆరోగ్యం బాలేకపోవడంతో ముంబైలోని సబర్బన్ అంధేరిలో ఒకానొక ఆసుపత్రిలో జాయిన్ అయ్యారు. మే 31వ తేదీ నుండి హాస్పిటల్లోనే ఉన్నారు గుఫీ. అనారోగ్యం ఎక్కువైపోవడంతో ఈరోజు కన్నుమూసారు.
Details
ఈ రోజే అంత్యక్రియలు
గుఫీ మరణం పట్ల బాలీవుడ్ సెలెబ్రిటీలు సంతాపం తెలియజేస్తున్నారు.
1980ప్రాంతంలో సుహాగ్, దిల్ లగీ, సత్తె పే సత్తా, రఫు చక్కర్ వంటి సినిమాల్లో కనిపించారు గుఫీ. టీవీ షోస్ అయిన సీఐడీ, హలో ఇన్స్ పెక్టర్ వంటి వాటిల్లో నటించారు.
ఆయనకు ఒక కొడుకు ఉన్నాడు. ఈరోజు సాయంత్రం అంధేరీలో గుఫీ పెంటల్ అంత్యక్రియలు జరగనున్నాయి.