షారుక్ ఖాన్ జవాన్ సినిమాపై మహేష్ బాబు ఆసక్తికరమైన పోస్ట్: కలిసి చూద్దామని రిప్లై ఇచ్చిన బాద్ షా
బాలీవుడ్ బాద్ షా షారుక్ ఖాన్ నటించిన జవాన్ సినిమా సెప్టెంబర్ 7వ తేదీన థియేటర్లోకి వస్తుంది. తమిళ దర్శకుడు అట్లీ రూపొందించిన ఈ సినిమాలో లేడీ సూపర్ స్టార్ నయనతార హీరోయిన్ గా కనిపిస్తోంది. అయితే సినిమా విడుదలకు మరికొద్ది గంటలు సమయం ఉండగా, సూపర్ స్టార్ మహేష్ బాబు జవాన్ సినిమా గురించి ఆసక్తికరమైన పోస్ట్ పెట్టారు. ఇది జవాన్ సినిమా సమయమని, జవాన్ సినిమా బ్లాక్ బస్టర్ కావాలని కోరుకుంటున్నానని, ఫ్యామిలీతో కలిసి సినిమాను ఎంజాయ్ చేయాలని ట్వీట్ చేశారు.
కలిసి సినిమా చూద్దామంటున్న షారుక్ ఖాన్
మహేష్ బాబు చేసిన ట్వీట్ కి ధన్యవాదాలు తెలిపిన షారుక్ ఖాన్, మీరు సినిమా ఎక్కడ చూస్తున్నారని, నేను కూడా అక్కడికి వచ్చి మీతో పాటు సినిమా చూస్తానని రిప్లై ఇచ్చారు. ప్రస్తుతం షారుఖ్ ఖాన్ ట్వీట్ ఇంటర్నెట్లో వైరల్ గా మారింది. మరి మహేష్ బాబు, షారుక్ ఖాన్ కలిసి జవాన్ సినిమా చూసి అభిమానులను అలరించబోతున్నారేమో చూడాలి. జవాన్ సినిమాలో దీపికా పదుకొణె, ప్రియమణి అతిథి పాత్రల్లో కనిపించబోతున్నారు విలన్ గా విజయ్ సేతుపతి నటిస్తున్నారు. ఈ సినిమాకు సంగీతాన్ని అనిరుధ్ రవిచందర్ అందించారు.
