నాయకుడు ట్రైలర్: తమిళ చిత్రం మామన్నాన్ తెలుగు ట్రైలర్ వచ్చేసింది
తమిళంలో మామన్నాన్ పేరుతో జూన్ 29న రిలీజైన చిత్రం, ఇప్పుడు తెలుగులో రిలీజ్ కు సిద్ధమవుతోంది. నాయకుడు పేరుతో తెలుగులో డబ్ అయిన ఈ సినిమా తెలుగు ట్రైలర్ ని మహేష్ బాబు, రాజమౌళి రిలీజ్ చేసారు. రాజకీయ నాయకుల అండ కలిగిన ఒక చోటా లీడర్, ఆ పట్టణంలోని ప్రజలను ఇబ్బందులను గురి చేస్తుంటాడు. వాటిని తట్టుకోలేక ఆ లీడర్ చేసిన ఆకృత్యాలను బయటపెట్టాలనుకుని సాక్ష్యాలను సేకరించడానికి హీరో ఏం చేసాడన్నదే నాయకుడు కథ. ఇందులో వడివేలు, ఫాహద్ ఫాజిల్, కీర్తి సురేష్, ఉదయనిధి స్టాలిన్ ప్రధాన పాత్రల్లో నటించారు. మారి సెల్వరాజ్ దర్శకత్వం వహించిన ఈ సినిమా, జులై 14వ తేదీన తెలుగులో రిలీజ్ అవుతుంది.
