Vishal: ఇళయరాజాపై మిస్కిన్ వివాదాస్పద వ్యాఖ్యలు.. ఖండించిన విశాల్
ఈ వార్తాకథనం ఏంటి
ప్రముఖ సంగీత దర్శకుడు ఇళయరాజా గురించి వివాదాస్పద వ్యాఖ్యలు చేసిన దర్శకుడు మిస్కిన్, ఆ తర్వాత క్షమాపణలు చెప్పారు.
ఈ విషయంలో తాజాగా నటుడు, నడిగర్‌ సంఘం జనరల్‌ సెక్రటరీ విశాల్ స్పందించారు. ఆయన మిస్కిన్‌పై ఆగ్రహం వ్యక్తం చేస్తూ, అతని వ్యాఖ్యలను తీవ్రంగా ఖండించారు.
మిస్కిన్ తీరుకు ఇది అలవాటుగా మారిందని విశాల్ అన్నారు. అమర్యాదకర వ్యాఖ్యలు చేసి, తర్వాత క్షమాపణలు చెప్పడం ఆయనకు పరిపాటిగా మారిందన్నారు.
మనకు అనుకున్నది మాట్లాడే స్వేచ్ఛ ఉన్నా, మైదానంలో, స్టేజ్‌పై మాట్లాడేటప్పుడు మనం పద్ధతిగా ఉండాలని విశాల్ చెప్పారు.
ఇళయరాజాను ఎంతో మంది ఆరాధిస్తారని, అలాంటి మహానుభావాన్ని అగౌరవపరచేలా మాట్లాడటం తాను ఏవిధంగా క్షమించలేనని పేర్కొన్నారు.
Details
ఇష్టమొచ్చినట్లు మాట్లాడడం తగదు
ఇష్టం వచ్చినట్లుగా మాట్లాడి, తర్వాత క్షమాపణలు చెప్పడం సరైందేనా?" అని ప్రశ్నించారు.
ఈ క్రమంలో, విశాల్ నడిగర్‌ సంఘం తరఫున పద్మ అవార్డుల‌కు ఎంపికైన నటుడు అజిత్‌, నటి శోభనకు అభినందనలు తెలిపారు. ఈ విషయంలో తన సంతోషాన్ని కూడా వ్యక్తం చేశారు.
మిస్కిన్ మాట్లాడుతూ ఇళయరాజా సంగీతం వల్ల ఎంతోమంది మద్యానికి బానిసలయ్యారని వ్యాఖ్యానించారు. ఈ వ్యాఖ్యలు వైరల్‌ అయిన తర్వాత, మిస్కిన్ క్షమాపణలు కోరారు.
తన ఉద్దేశం తప్పుగా అర్థం చేసుకున్నారనీ, ఈ వ్యాఖ్యలు సరదాగా చేసినవిగా స్పష్టం చేశారు.